پاکستان کے کمرشل گاڑیوں کے شعبے میں خوشخبری، ستمبر 2025 میں بسوں اور ٹرکوں کی فروخت 824 یونٹس تک جا پہنچی۔

یہ سطح گزشتہ 88 ماہ — یعنی مئی 2018 کے بعد — سب سے زیادہ ریکارڈ کی گئی ہے، جو آٹو انڈسٹری کے لیے ایک بڑا سنگ میل ہے۔

پاکستان آٹو موٹیو مینوفیکچررز ایسوسی ایشن (پاما) کے مطابق، ستمبر 2025 میں ٹرکوں کی فروخت میں سالانہ 168 فیصد اضافہ ہوا۔

ماہ بہ ماہ موازنہ کریں تو اگست کے مقابلے میں ٹرکوں کی فروخت میں بھی 22 فیصد اضافہ ریکارڈ کیا گیا ہے۔

ستمبر 2024 میں جہاں صرف 272 ٹرک فروخت ہوئے تھے، وہیں 2025 کے اسی مہینے میں تعداد بڑھ کر 730 یونٹس تک جا پہنچی۔

بسوں کی فروخت میں بھی زبردست بہتری آئی، جو 100 فیصد سالانہ اور 34 فیصد ماہانہ اضافے کے ساتھ سامنے آئی۔

گزشتہ سال ستمبر میں 47 بسیں فروخت ہوئی تھیں، جبکہ رواں سال ستمبر میں یہ تعداد 94 یونٹس تک پہنچ گئی۔

اس سے قبل مئی 2018 میں بسوں اور ٹرکوں کی مجموعی فروخت 906 یونٹس ریکارڈ کی گئی تھی، جو ایک طویل عرصے تک بلند ترین سطح رہی۔

یہ اضافہ ملکی تعمیراتی سرگرمیوں، فلیٹ اپ گریڈنگ اور بہتر معاشی توقعات کی عکاسی کرتا ہے۔

ماہرین کے مطابق اگر یہی رجحان برقرار رہا تو آٹو انڈسٹری ایک بار پھر مستحکم اور ترقی پذیر راستے پر گامزن ہو سکتی ہے۔