کچے کے ڈاکوؤں کے خلاف بڑی کامیابی، نامور گینگز ہتھیار ڈالنے پر آمادہ

اسٹاف رپورٹر

20th Oct, 2025. 04:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کچے کے ڈاکوؤں کے خلاف بڑی کامیابی، نامور گینگز ہتھیار ڈالنے پر آمادہ

کراچی: سندھ پولیس کو کچے کے ڈاکوؤں کے خلاف بڑی کامیابی ملی ہے، کچے کے نامور ڈاکوؤں کے گینگز ہتھیار ڈالنے پر آمادہ ہوگئے ہیں۔

ذرائع کے مطابق شکارپور کے کچے کے علاقے میں جاری پولیس آپریشن کے دوران اب تک کی سب سے بڑی کامیابی سامنے آئی ہے۔

ذرائع کا کہنا ہے کہ درجنوں انعام یافتہ اور خطرناک ڈاکو جن کا تعلق بیلو تیغانی، بڈانی اور دیگر گینگز سے ہے، اپنے جدید اسلحے سمیت سرینڈر کرنے جا رہے ہیں۔

ذرائع کے مطابق سرینڈر کی مرکزی تقریب ایک روز بعد شکارپور پولیس گراؤنڈ میں منعقد ہوگی، جس میں وزیر داخلہ سندھ، ڈی جی رینجرز سندھ، آئی جی سندھ، سیکٹر کمانڈر رینجرز اور دیگر اعلیٰ حکام شرکت کریں گے۔

تقریب کے دوران ڈاکوؤں کی بڑی تعداد خود کو قانون کے حوالے کرے گی، جسے شکارپور کچہ آپریشن میں تاریخی پیش رفت قرار دیا جا رہا ہے۔