افغان طالبان اور بھارتی دہشتگردوں کی فائرنگ سے مادر وطن پر قربان شہداء کو محسن نقوی کا خراج تحسین

ویب ڈیسک

12th Oct, 2025. 04:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغان طالبان اور بھارتی دہشتگردوں کی فائرنگ سے مادر وطن پر قربان شہداء کو محسن نقوی کا خراج تحسین

وفاقی وزیر داخلہ محسن نقوی نے افغان طالبان اور بھارتی سپانسرڈ دہشتگردوں کی بلااشتعال فائرنگ میں جام شہادت نوش کرنے والے پاک وطن کے 23 بہادر سپوتوں کو خراج عقیدت پیش کیا ہے۔

وزیرداخلہ نے شہدائے وطن کی عظیم قربانیوں کو سلام پیش کیا اور زخمی جوانوں کی جلد صحتیابی کے لیے دعا بھی کی۔

محسن نقوی نے شہدائے وطن کے لواحقین سے دلی ہمدردی اور تعزیت کا اظہار کرتے ہوئے کہا کہ پاکستان کے دلیر سپوتوں نے اپنی جانیں دفاع وطن کے لیے نچھاور کرکے ایک عظیم مثال قائم کی ہے۔

انہوں نے افغان طالبان اور بھارتی سپانسرڈ دہشتگردوں کو منہ توڑ جواب دینے پر فورسز کو خراج تحسین پیش کیا۔

وزیرداخلہ نے کہا کہ ہمارے جری جوانوں نے 200 سے زائد افغان طالبان اور بھارتی سپانسرڈ دہشتگردوں کو جہنم واصل کیا ہے۔

انہوں نے مزید کہا کہ سکیورٹی فورسز کے جوان، جو افغان طالبان اور بھارتی دہشتگردوں کے مذموم عزائم کو خاک میں ملا رہے ہیں، قوم کے حقیقی ہیرو ہیں۔

محسن نقوی نے زور دیا کہ پاکستان کی سالمیت اور دفاع کے لیے اپنی جانیں نچھاور کرنے والے بہادر سپوتوں کی قربانیاں ہمیشہ یاد رکھی جائیں گی۔