ویمنز ورلڈکپ: پاکستان اور نیوزی لینڈ کا میچ بارش سے متاثر، ایک، ایک پوائنٹ مل گیا

ویب ڈیسک

19th Oct, 2025. 11:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ویمنز ورلڈکپ: پاکستان اور نیوزی لینڈ کا میچ بارش سے متاثر، ایک، ایک پوائنٹ مل گیا

آئی سی سی ویمنز ورلڈ کپ میں بارش کے باعث پاکستان اور نیوزی لینڈ کی ویمن ٹیموں کے درمیان میچ ابتدائی چند اوورز کے بعد ختم کردیا گیا۔

میڈیا رپورٹس کے مطابق پاکستان اور نیوزی لینڈ کی ٹیموں کے درمیان کولمبو میں کھیلا گیا میچ بارش کے سبب متاثر رہا۔

نیوزی لینڈ ویمن نے ٹاس جیت کر پہلے فیلڈنگ کرنے کا فیصلہ کیا تھا، میچ کو پہلے 46 اوورز فی اننگز تک محدود کیا گیا، بارش رُکنے کے بعد جب کھیل شروع ہوا تو پاکستانی ٹیم کی بیٹرز حریف بولرز کے خلاف اچھا کھیل پیش نہ کرسکیں۔

عمیمہ سہیل 3، منیبہ علی 22 اور سدرہ امین 9 رنز بناکر آؤٹ ہوئیں۔ کھلاڑیوں کو بارش کی وجہ سے پھر میدان سے باہر جانا پڑا، دوبارہ شروع ہونے پر پاکستان ویمن ٹیم کی مزید دو وکٹیں گریں، 25 اوورز کے اختتا م پر پاکستان کا اسکور 5 وکٹ پر 92 رنز رہا۔

عالیہ ریاض 28 اور سدرہ نواز 6 رنز پر ناٹ آؤٹ تھیں۔ اس موقع پر بارش اور پھر گیلے میدان نے کھیل کودوبارہ شروع ہونے نہ دیا اور میچ ختم کردیا گیا۔ دونوں ٹیموں کو ایک، ایک پوائنٹ مل گیا۔