کراچی میں ای چالان سسٹم شہریوں کے لیے وبالِ جان بن گیا، ایک ہی خلاف ورزی پر دو چالان جاری

ویب ڈیسک

11th Nov, 2025. 07:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

کراچی میں ای چالان سسٹم شہریوں کے لیے وبالِ جان بن گیا، ایک ہی خلاف ورزی پر دو چالان جاری
سندھ بھر میں دفعہ 144 نافذ، ہر قسم کے اجتماعات، جلسے، جلوسوں اور احتجاج پر پابندی
کیڈٹ کالج وانا میں سیکیورٹی فورسز کا ریسکیو آپریشن جاری، 350 افراد بحفاظت نکال لیے گئے
پاکستان اسٹاک ایکسچینج میں شدید مندی، کے ایس ای 100 انڈیکس 3,667 پوائنٹس گر گیا

Now Reading:

کراچی میں ای چالان سسٹم شہریوں کے لیے وبالِ جان بن گیا، ایک ہی خلاف ورزی پر دو چالان جاری

شہر قائد میں شہریوں کی سہولت کے لیے متعارف کرایا گیا ای چالان سسٹم اب پریشانی کا باعث بننے لگا ہے۔

سہراب گوٹھ لیاری ایکسپریس وے پر ایک شہری کو ایک ہی خلاف ورزی پر دو الگ اوقات میں چالان موصول ہوئے جس پر متاثرہ شہری نے نظام کی شفافیت پر سوالات اٹھا دیے۔

متاثرہ شہری کے مطابق ایک ہی دن اور ایک ہی خلاف ورزی کے لیے اسے دو مختلف چالان جاری کیے گئے۔ چالان میں موجود تصویر ایک ہی ہے، مگر اوقات مختلف ظاہر کیے گئے ہیں۔

شہری نے بتایا کہ میں نے واقعی سیٹ بیلٹ نہیں پہنی تھی اپنی غلطی تسلیم کرتا ہوں مگر ایک خلاف ورزی پر دو چالان کیوں؟ یہ تو زیادتی ہے۔

شہری کا کہنا ہے کہ ای چالان سسٹم میں ڈیٹا اپڈیٹ اور تصدیق کا عمل ناقص ہے جبکہ کئی مقامات پر کیمروں کی مانیٹرنگ اور ریکارڈنگ میں تکنیکی خرابیاں بھی سامنے آ رہی ہیں۔

شہریوں نے الزام عائد کیا ہے کہ ٹریفک پولیس کا ای چالان سسٹم بغیر کسی مؤثر چیک اینڈ بیلنس کے چلایا جا رہا ہے، جس سے شفافیت پر سوال اٹھ رہے ہیں۔

انہوں نے مطالبہ کیا کہ ای چالان نظام میں فوری اصلاحات کی جائیں اور ایسا جانچ و تصدیق کا نظام متعارف کرایا جائے جس سے شہریوں کو غیر ضروری جرمانوں سے بچایا جا سکے۔