چمن باڑدر پر افغان عناصر کی فائرنگ، سیکیورٹی فورسز کا ذمہ دارانہ جواب

ویب ڈیسک

06th Nov, 2025. 10:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چمن باڑدر پر افغان عناصر کی فائرنگ، سیکیورٹی فورسز کا ذمہ دارانہ جواب

پاک-افغان سرحد پر چمن بارڈر کے قریب افغان عناصر کی جانب سے پاکستانی چیک پوسٹوں پر بلااشتعال فائرنگ کی گئی، جس کا پاکستانی سیکیورٹی فورسز نے فوری اور ذمہ دارانہ انداز میں جواب دیا۔

وزارت اطلاعات و نشریات کی جانب سے جاری بیان کے مطابق، فائرنگ کا آغاز افغانستان کی جانب سے ہوا، جس کے بعد پاکستانی فورسز نے مؤثر ردعمل دیتے ہوئے صورتحال پر قابو پالیا۔

وزارت اطلاعات نے واضح کیا کہ پاکستان، افغانستان کی جانب سے اس واقعے سے متعلق دعووں کو مسترد کرتا ہے۔

بیان میں کہا گیا کہ پاکستانی فورسز کی پیشہ ورانہ اور ذمہ دارانہ کارروائی کے نتیجے میں سرحد پر حالات معمول پر آگئے، اور جنگ بندی بدستور برقرار ہے۔

پاکستان نے افغان حکام سے باہمی تعاون کی توقع کا اظہار کرتے ہوئے کہا کہ وہ سرحدی امن کے لیے جاری مذاکرات کے لیے پرعزم ہے۔

وزارت اطلاعات نے زور دیا کہ پاکستان خطے میں امن و استحکام کے لیے اپنی کوششیں جاری رکھے گا اور افغان حکام سے توقع رکھتا ہے کہ وہ اس سلسلے میں تعاون کریں گے۔

اس واقعے کے بعد سرحدی علاقوں میں سیکیورٹی کو مزید سخت کردیا گیا ہے، اور پاکستانی فورسز ہر قسم کی صورتحال سے نمٹنے کے لیے تیار ہیں۔