کورونا وائرس کے باعث جم اور ہیلتھ کلب کی بندش کے معاملے پر جم مالکان کی جانب سے اعلیٰ حکام سے اپیل کی گئی ہے کہ ایس او پیز کے مطابق جم کھولنے کی اجازت دی جائے۔
تفصیلات کے مطابق پریس کلب کے باہر سندھ بوڈی بلڈنگ ایسوسی ایشن کی جانب سے احتجاجی مظاہرہ کیا گیا اور بعد میں پریس کانفرنس کرتے ہوئے حکومت کے سامنے اپنے مطالبات رکھے گئے۔
چیف جسٹس آف پاکستان کاروبار کھولنے کی اجازت دے چکے ہیں جس کے بعد دیگر صوبوں میں جم و ہیلتھ کلب کھل چکے ہیں لیکن صوبہ سندھ میں پابندی برقرار رکھی جارہی ہے جبکہ سندھ کے چھ شہروں میں پانچ ہزار جم و ہیلتھ کلب ہیں۔
جم مالکان کا کہنا تھا کہ پندرہ مارچ سے گورنمنٹ کے نوٹیفکیشن کے مطابق جم اور دیگر ہیلتھ کلب بند ہے۔
معاشی طور پر یہ ادارہ تباہی کے دہانے پہنچ چکا ہے، ساڑھے چار ماہ سے ہم بے روزگار ہوگئے ہیں اور ہزاروں کی تعداد میں لوگوں کا معاشی قتل ہو رہا ہے۔
ان کا کہنا تھا کہ صحت مند رہنے کے لیے قوت مدافعت یعنی ایمونیم سسٹم بڑھانے کے لیے آپ کو ورزش کرنا لازمی ہے۔
پریس کانفرنس کے دوان سابق مسٹر پاکستان فدا حسین بلوچ نے کہا ہے کہ انٹرنیشنل مقابلے کیلئے ساڑھے چار لاکھ روپے کا مقروض ہوں اس ضمن میں لوگوں کو کہا ہے کہ جم کھولتے ہیں تو قرضہ واپس کرونگا۔
انہوں نے بتایا کہ موجودہ حالات ایسے ہیں کہ پنکچر والا یا دوسرے کام سے بہتر ہے خودکشی کرلی جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News