بے شک سونا انسانی صحت کے لئے بہت ضروری ہے لیکن سوال یہ ہے کہ کتنی دیر کے لئے سونا صحت کے لئے اچھا یا برا ہو سکتا ہے؟

یہ با ت تو سب ہی جانتے ہیں کہ صحت مند زندگی گزارنے کے لئے ایک مکمل اور بھرپور نیند نہایت اہم ہے کیو نکہ  یہ یادداشت کو مستحکم بنانے کے ساتھ ساتھ جسم کے مختلف اہم حصوں کو بھی بحال کرتی ہے۔

اس کے علاوہ نیند کی بہتر فراہمی انسانی ٹشوز، پٹھوں اور ہارمونز کی ترکیب میں اہم کردار ادا کرتی ہے۔

یہ با ت بھی اہم ہے کہ زیادہ سونا یا کم سونا، دونوں ہی صورتیں صحت کی لئے نقصان دہ ہوتی ہیں۔

سائنسی تحقیقی کے مطابق بالغ لوگوں کو روزانہ 7 سے 8 گھنٹے کی نیند درکار ہوتی ہے وہیں ایک نومولود کو تقریباً 11 سے 12 گھنٹے کی نیند لینا لازمی ہوتی ہے۔

اس کے ساتھ ساتھ اسکول جانے والے بچوں کو 9 سے 11 گھنٹے کے درمیان جبکہ نوجوانوں کو 8 سے 10 گھنٹے تک کی نیند کی ضرورت ہوتی ہے جبکہہ کم عمر افراد کیلئے بھر پور نیند بہت اہمیت کی حامل ہے۔

یہ با ت بھی اکثر نوٹ کی جاتی ہے کہ رات کو اچھی طرح سونے کے باوجود دن میں نیند کے جھونکے آتے رہتے ہیں۔

اس حالت کو ’ایکسیسو ڈے ٹائم سلیپینیس‘ یعنی دن کو اضافی خمار بھی کہا جاتا ہے، اس صورت میں نیند سے بچنے کے لئے اضافی کوشش کرنی پڑتی ہے۔

دن میں ضرورت سے زیادہ سونے سے انسانی وجود پر مختلف اثرات مرتب ہوتے ہیں، ان میں نیند کی کمی، وقفے وقفے سے نیند آنا، طبی اور نفسیاتی حالات اور نیند کی خرابی شامل ہیں۔

بالغ افراد، عمررسیدہ افراد اور مختلف اوقات میں کام کرنے والے زیادہ تر نیند کی کمی کا شکار ہوتے ہیں۔

 ناکافی نیند کا مسئلہ عام طور پر کام کے زیادہ یا متغیر اوقات، اضافی ذمہ داریاں اورپیچیدہ طبی حالات کی وجہ سے درپیش آتا ہے۔

واضح رہے کہ طرزِ زندگی میں سادہ تبدیلیاں بہت سے افراد کو رات کی بہتر نیند لینے میں مدد فراہم کرسکتی ہیں۔

ان میں صحت بخش اور متوازن غذا کھانا، کیفین اور الکوحل کی مقدار کو محدود کرنا، باقاعدگی سے ورزش کرنا، آرام کی نیند کیلئے اچھا ماحول پیدا کرنا، رات کو سونے سے پہلے گرم غسل کرنا اور طے شدہ اوقات کے مطابق نیند لینا شامل ہیں۔

[amazonad category=”Auto”]