اکثر اوقات ہم اپنے فریج کو الماری سمجھ کر اس میں ہر چیز  کو بلا ترتیب رکھتے ہیں جس سے ہمارا فریج بار بار  گندا بھی ہوتا ہے سامان رکھنے کی جگہ بھی کم ہوتی رہتی ہے۔

 عام طور پر گھر کے مرد حضرات اور بچے فریج کا بہت لاپروائی سے استعمال کرتے ہیں۔

سب سے زیادہ فریج کا دراز چیزیں رکھنے کی وجہ سے گندا ہوجاتا ہے اور اتنا بڑا ہوتا ہے کہ بار بار نکال کر دھونا ممکن نہیں ہوتا اور ہر ہفتے تمام چیزیں باہر نکال کر فریج کی تفصیلی صفائی کرنا ممکن نہیں ہے کیونکہ تمام اشیاء خراب ہونے کا اندیشہ ہوتا ہے۔

لیکن آج ہم آپ کو اپنے فریج کو صاف ستھرا اور باترتیب رکھنے کے چند طریقے بتائیں گے تا کہ آپ کو اسکی صفائی مین زیداہ محنت نہیں کرنی پڑے اور اسکے لئے آپ کو اپنا فریج خالی کر کے صاف کرنا پڑے گا۔

1۔ جلدی خراب ہونے والی چیزی سامنے رکھیں:

فریج میں ایک ایسا ڈبہ رکھیں جس میں وہ تمام اشیاء رکھی جائیں جو جلدی خراب ہوسکتی ہیں اس طرح آپ کی مہنگی خوراک کو ضائع ہونے سے بچ جائیں گی۔

 کیونکہ ہوتا یہی ہے کہ فریج میں کچھ چیزیں رکھے رکھے پیچھے چلی جاتی ہیں اور ان کا پتہ تب چلتا ہے جب ان کی ایکسپائری ڈیٹ گزر چکی ہوتی ہے۔

2۔ فریج کی دراز کو صاف کیسے رکھا جائے؟

 فریج کے دراز کو ہمیشہ صاف رکھنے کے لئے ضروری ہے کہ سامان رکھنے سے پہلے دراز میں ٹشو پیپر کی بہت ساری تہیں بچھا دیں اور ہر ہفتے صرف ٹشو پیپر بدل کر دراز کو اچھی طرح پونچھ لیں اس سے دراز لمبے عرصے تک صاف رہے گا۔

3۔ فریج کا دروازہ:

فریج کا دروازہ ایسی جگہ ہے جہاں فریج کی ٹھنڈک سب سے کم ہوتی ہے۔ یہ حصہ مکھن، جام، ساسز اور مصالحہ جات رکھنے کے لئے بہترین جگہ ہے۔

4۔ لیبل کا ستعمال:

فریج میں ایک جیسی اشیاء کو ایک ساتھ رکھنے کی کوشش کریں اور اس مقصد کے لئے شیشے یا پلاسٹک کے ڈبے اور جار خریں اور ان پر لیبل لگا دیں۔

جس کے بعد گھر کے تمام افراد اس بات کی پابندی کریں کہ جو چیز سے ڈبے سے تعلق رکھتی ہے اسے اسی ڈبے میں رکھا جائے۔

[amazonad category=”Auto”]