مرد حضرات ہوں یا پھر خواتین کی بات کی جائے ہر کسی کو خوبصورت اور اچھا نظر آنا ضروری ہے  اور اسکے لئے آپ کے چہرے کی تروتازگی برقرار رہنا بھی لازمی ہے۔

چہرے کی رونق، تر و تازگی  برقرار رکھنے کے لئے ضروری ہے کہ آپ باقاعدگی سے فیشل کروائیں یا خود کرلیں۔

لیکن ہر چیز کے کرنے کا وقت ہوتا ہے اور جب جس چیز کی ضرورت ہو وہ اسی وقت کرنی چاہیئے ورنہ رزلٹ اطمینان بخش نہیں ملتا ہے۔

اس حوالے سے اسکن ایکسپرٹس کا کہنا ہے کہ ٹین ایج میں فیشل کروانا شروع کردینا چاہیے لیکن فیشل کے لئے چہرے کی جلد کو بھی مد نظر رکھا جانا ضروری ہے۔

ماہرین نے بتایا ہے کہ وہ تمام فیشلز جن میں سفید کریم بلیچ یا مرکری جیسے اجزاء شامل ہوں وہ چیز جلد  کیلئے مناسب نہیں ہے۔

لیکن اگر آپ چاہے تو گھر میں موجود چند چیزوں کی مدد سے بھی اپنے چہرے پر فیشل جیسا نکھار لا سکتی ہیں۔

جیسے کہ  ٹماٹر سے گھر میں فیشل کر کے آپ اپنے چہرے کی کھوئی ہوئی رونق کو بحال کرسکتی ہیں۔

ٹماٹر کا سستا اور آسان فیشل

ایک چمچ ایلوویرا جیل میں دو چمچ بیکنگ سوڈا مکس کریں اور اس سے چہرے کا بیس منٹ تک مساج کریں۔

اب چہرہ دھو کر صاف کر لیں۔

اب ایک پیالی میں ایک چمچ چاول کا آٹا لیں اس میں آدھا چمچ دہی اور آدھا چمچ لیموں مکس کر کے پیسٹ تیار کریں اور چہرے پر لگائیں۔

پھر چہرہ دھو کر صاف کریں۔

آخر میں ایک ٹماٹر کے دو ٹکڑے کریں اور ٹماٹر پر نمک لگا کر بیس منٹ تک چہرے کی اسکربنگ کریں۔

بس ہو گیا گرمیوں میں رنگ گورا کرنے اور دھوپ سے جلی ہوئی جلد کو ٹھیک کرنے کا آسان اور سستا فیشل جو آپکی جلد کو نکھار اور تروتازگی فراہم کردے گا۔

[amazonad categoryElectronics”]