باتھ روم گھر میں ایسی جگہ ہے جو کہ ہیمشہ استعمال میں رہتا ہے اور بہت جلدی گندا بھی ہوجاتا ہے۔

اکثر دیکھا گیا ہے کہ خواتین کو باتھ روم کی صفائی کرنے میں بہت مشکل پیش آتی ہے کیونکہ اس میں بہت وقت درکار ہوتا ہے اور اس کی صفائی کے بعد مستقل قائم رکھنا بہت مشکل ہوجاتا ہے۔

1۔ دیواروں کی صفائی

باتھ روم کی دیوار پر اگر آئل پینٹ، ٹائلز یا ٹیکسچر پینٹ ہے تو اسے صاف کرنے کے لئے آدھا گلاس پانی میں دو چائے کا چمچ بیکنگ سوڈا، دو چائے کا چمچ سفید سرکہ اور دو چائے کا چمچ لیکوئیڈ سوپ ملائیں اور دیواروں پر اسپرے کریں۔

برتن دھونے والے اسفنج سے رگڑ کر دیواروں کو آسانی سے صاف کیا جاسکتا ہے۔

2۔ ٹائلوں کی صفائی:

باتھ روم کے فرش کی ٹائلوں صفائی کے لئے ایک کپ پانی میں 3 چائے کے چچ بیکنگ سوڈا، تین چائے کے چمچ بوریکس پاؤڈر اور آدھا کپ نمک ملائیں اور فرش پر ہر کونے میں ڈال کر کچھ دیر کے لئے چھوڑ دیں۔ تھوڑی دیر کے بعد جھاڑو سے رگڑ کر صاف کرلیں، پرانے سے پرانا داغ بھی صاف ہوجائے گا۔

3۔ باتھ روم کو خوبصورت بنانا:

باتھ روم کو خوبصورت اور دلکش بنانے کے لئے یہاں پر کیکٹس یا چھوٹا اسنیک پلانٹ رکھا جاسکتا ہے جنھیں زیادہ پانی یا سورج کی روشنی کی ضرورت نہیں ہوتی اور یہ باتھ روم میں تازگی کا احساس پیدا کرتے ہیں۔

لیکن اگر ایسا ممکن نہیں تو پلاسٹک کے خوشنما پودے یا بیلیں بھی لگائی جاسکتی ہیں جو مہنگی بھی نہیں ہوتیں اور غسل خانے میں اچھی لگتی ہیں۔

4۔ باتھ روم میں خوشبو کا استعمال:

باتھ روم میں جاکر فوراً محسوس ہونے والی چیز بو ہے۔ اس لئے اچھے اسپرے خریدنے میں کوئی مضائقہ نہیں۔ اس کے علاوہ ایسے طریقے اپنائے جائیں جن سے باتھ روم میں مستقل خوشبو رہے ۔