پھیلا ہوا گھر ہو یا کچن کسی کو اچھا نہیں لگتا ہے اور پھر ایسی جگہ پر کام کرنے کے لئے بھی دل نہیں مانتا ہے۔

اگر آپ کا گھر بھی پھیلا ہوا ہے یا پھر آپ کا کچن  تو آپ ایک بار یہ آرٹیکل ضرور پڑھیں ۔

یہ آرٹیکل آپ کو کچن سمیٹنے میں ضرور مدد فراہم کریگا اورآپ کا کچن ایک آئیڈیل کچن نظر آئے گا۔

1۔ ڈسٹ بن کا استعمال:

اپنے کچن میں ایک عدد ڈسٹ بن  ضرور رکھیں  تاکہ کام کے وقت کچن میں نکلنے والے کچرے کو فوری طور پر اس میں ڈالا جاسکے۔

اس طرح آپ کے کچن کی سلیپ اور بیسن دونوں صاف رہیں گے۔

2۔ سامان رکھنے کے لئے  کیبنٹس کا استعمال:

آپ کا کچن چاہے جیسا بھی ہو اپنے کچن کی دیواروں پر کیبنٹس ضرور بنوائیں ، اس سے مختلف اور زیادہ سامان بہتر انداز سے رکھنے میں مدد ملے گی اور آپ کا کچن اضافی برتنوں کی وجہ سے پھیلا ہوا نظر نہیں آئیگا۔

3۔ سبزیوں  اور پھلوں کے لئے اسٹینڈ کا استعمال:

سبزیوں اور پھلوں کو اکثر لوگ ایسے ہی رکھ دیتے ہیں جو اضافی جگہ گھیرتے ہیں اور اس طرح دیکھنے میں بھی کچن بہت گندا نظر آتا ہے۔

اس کے لئے ضروری ہے کہ آپ 3 ٹوکریوں والے اسٹینڈ کا استعمال کریں  اور اس میں اپنی سبزی اور پھر رکھنے کا انتخاب کریں۔

4۔ واش بیسن؛

برتن دھونے کے بعد پانی ٹپکتا ہے اس لئے برتن کو خشک کیے بغیر کیبنٹس میں نہیں رکھا جاسکتا ورنہ لکڑی کا کیبنٹ خراب ہوجائے گا۔

واش بیسن اوپر دیوار میں جالی کا اسٹینڈ لگوالیں جس میں دھلے ہوئے برتن رکھیں۔ برتن کا پانی گر کر بیسن میں چلا جائے گا اور برتن خشک ہوجائیں گے۔