ہر انسان پورے دن میں کم سے کم ایک مرتبہ ضرور نہاتا ہے چاہے وہ صبح کے وقت نہائے یا پھر رات کے وقت نہانے کو اپنی عادت بنائے۔

نہانا انسانی صحت کے لئے ضروری ہے کیونکہ نہانے کی وجہ سے دن بھر جسم پر آنے والا پسینہ، گرد اور دیگر جراثیم جسم سے الگ ہوجاتے ہیں ۔

لیکن کیا آپ جانتے ہیں کہ رات میں سونے سے پہلے نہانے کی عادت  آپ کے لئے کس حد تک فائدے مند ثابت ہوسکتی ہے۔

آج ہم اس آرٹیکل میں آپ کو بتائیں گے کہ رات کو سونے سے پہلے نہانے سے آپ کو کونسی 5 بیماریوں سے نجات مل سکتی ہے؟

1۔ نیند کا مسئلہ:

اگر آپ اپنی نیند کی عادت سے پریشان ہیں کہ آپ کو رات میں دیر سے نیند آتی ہے یا پھر آپ کی نیند پوری نہیں ہوتی ہے تو آپ سونے سے پہلے نہانے کو اپنی عادت بنالیں۔

رات کو نیم گرم پانی سے نہانے سے جسم تیزی سے گرم ہوتا ہے اور اسی تیزی سے ٹھنڈا ہوتا ہے جس کی وجہ سے میلاٹونن زیادہ خارج ہوتا ہے اور گہری پرسکون نیند آتی ہے۔

2۔ مسلز میں درد:

اگر اپنے مسلز کے درد سے پریشان ہیں تو رات میں سونے سے پہلے نہانے کو اپنی عادت بنالیں۔

مسلز میں ہونے والے درد کو کم کرنے میں رات کو نیم گرم پانی سے نہان کافی بہتر ثابت ہوتا ہے۔

یہ خون کے دوران کو بہتر بناتا ہے جس کی وجہ سے درد کم ہونے کے علاوہ سوجن بھی کم ہوتی ہے۔

3۔ اضافی کیلوریز:

اگر آپ کو لگتا ہے کہ آپ موٹے ہورہے ہیں یا آپ نے رات میں زیادہ کھانا کھالیا ہے تو آپ رات میں سونے سے پہلے نیم گرم پانی سے نہانے کی عادت اپنالیں۔

نیم گرم پانی سے نہانا کیلوریز جلاتا ہےجو پسینے کی صورت باہر آتی ہے ۔

4۔ جلدی امراض سے نجات:

اکثر آپ  نے دیکھا ہوگا کہ انسان جب تھکا ہوا ہوتا ہے تو بغیر منہ دھوئے سوجاتا ہے جس کی وجہ سے آپ کے چہرے کی اسکن خراب ہونے لگتی ہے۔

لیکن اگر ایسا ہے تو آپ رات میں نہانے کو اپنی عادت بنالیں اس سے آپ کے چہرے کی جلد بھی تر و تازہ رہیگی اور آپ کو کوئی جلدی امراض کا سامنا بھی نہیں کرنا پرے گا۔