پوری دنیا میں ماحولیاتی تبدیلی کے باعث گرمی کی شدت میں اضافہ ریکارڈ کیا جارہا ہے  ایسے میں ٹیکنالوجیز نے بھی ساتھ چھوڑنا شروع کردیا ہے۔

 اکثر گھروں یادفتروں کو ٹھنڈا رکھنے کے لئے ٹیکنالوجیز جس میں اے سی، چلرز کا استعمال شامل کیا جاتا ہے تاکہ ماحول کو مصنوعی طور پر ٹھنڈا رکھا جاسکے ۔

لیکن اب چونکہ گرمی کی شدت میںاضافہ ہوتا جارہا تو یہ مشینیں بھی ساتھ چھوڑ رہی ہیں اور ایک وقت کے بعد کام کرنا ختم کردیتی ہیں۔

ایسے میں انسان کو چاہیئے کہ وہ دیسی طریقوں کی مدد سے اپنے ارد گرد کے ماحول کو صاف اور ٹھنڈا رکھنے کی سوچے ۔

اس مقصد کے لئے چند ہم آپ کو چند ٹپس بتائیں گے۔

1۔ گرمی سے بچنے کے لئے ضروری ہے کہ آپ دیواروں اور چھت پر سفید رنگ کروائیں، سفید رنگ سے گرمی کا احساس کم ہوتا ہے۔

2۔ گھر میں انڈور پلانٹ اُگائیں ایسے پودے لگائیں جو کمروں اور گیلری میں لگائے جا سکیں کیونکہ پودے گھر کو ٹھنڈا رکھتے ہیں۔

3۔ جب لُو والی ہوا چلے تو ٹاٹ یعنی بوری کو گیلا تر کر کے چھت پر ٹاٹ بچھا دیں، اور کھڑکی پر بھی ٹاٹ گیلی کر کے لگا دیں اس سے باہر سے آنی والی گرم ہوا ٹھنڈی ہو جائے گی۔

4۔ چھت پر پانی کا چھڑکاؤ کریں، اور زیادہ سے زیادہ پودے لگائیں، دھوپ سے بچنے کے لئے ترپال بھی لگا سکتے ہیں۔

5۔ اس کے علاوہ ہلکے رنگ کے پردے ڈالیں اور ہلکے رنگ کی بیڈ شیٹ بچھائیں۔۔