آج کے دور میں تقریباً ہر گھر میں کیبٹس کا استعمال کیا جاتا ہے کیوکہ یہ جگہ بھی بچاتے ہیں اور ان میں سامان رکھنے کی وجہ سے زیادہ کچھ پھیلا ہوا نظر نہیں آتا ہے۔

لیکن یہ کیبنٹس لکڑی یا فارمیکا پر بنے ہوتے ہیں جس کی وجہ سے ان کی صفائی اور لال بیگ کو ان سے دور رکھنا مشکل ہوجاتا ہے۔

اگر آپ بھی ایسی صورتحال سے پریشان ہیں تو یہ آرٹیکل ضرور پڑھیں آپ کو حل مل جائیگا۔

فارمیکا کے کیبنٹس کی صفائی:

فارمیکا اور لکڑی کے کچن کیبنٹس پر آئل کے دھبے پڑجاتے ہیں اس کے علاوہ ان کو رگڑ کر صاف کرو تو ان پر خراشیں پڑ جاتی ہیں یا پانی کی وجہ سے لکڑی پھول جاتی ہے۔

انھیں صاف کرنے کا آسان طریقہ یہ ہے کہ ایک کھانے کا چمچ بیکنگ سوڈا میں ایک کھانے کا چمچ کوئی بھی عام شیمپو ملائیں اور اب چار چمچ سفید سرکہ ملائیں اور موٹے کپڑے کو اس لیکوئیڈ میں بھگو کر کیبنٹ صاف کر لیں۔

کیبنٹس میں لال بیگ ہونے کی صورت میں:

کیبنٹس میں لال بیگ ہوجانے کی صورت میں ایک بوتل میں آدھے سے زیادہ گرم پانی ڈالیں اور ایک حصہ سفید سرکہ ڈال کر ہلا لیں۔

اس مکسچر کو روزانہ رات کو سلیب، چولہے کے پاس، فرش کے کونوں اور کیبنٹ کے اندر اسپرے کریں اس کے علاوہ بیسن کی نالیوں میں بھی ڈال دیں۔

کیبنٹ میں نیم کے پتوں کا استعمال:

کچن کیبنٹ سے لال بیگ دور کرنے کا آسان طریقہ یہ ہے کہ کیبنٹ کو اچھی طرح صاف کرنے کے بعد کونوں میں نیم کے پتے رکھ دیں۔ اور ہر دو مہینے بعد یہ پتے تبدیل کردیں۔

نیم کے پتوں کے علاوہ دار چینی کے ٹکڑے بھی کونوں میں رکھے جاسکتے ہیں۔