بال، انسان کی شخصیت میں ایک اہم کردار ادا کرتے ہیں اور انسان کی خوصورتی میں بھی اضافہ کرتے ہیں۔

لیکن جب یہی بال جھڑنے لگیں اور ان کی خوبصورتی ختم ہونے لگے تو چاہے مرد حضرات ہوں یا پھر عورت سب ہی پریشانی کا شکار ہوجاتے ہیں اور اس مسئلے پر ہزاروں روپے خرچ کرتے رہتے ہیں جبکہ اس کا سب سے بڑا مسئلہ انسان کی غذا ہے۔

انسان جو بھی اور جس طرح کی بھی غذاؤں کا استعمال کرتا ہے اس کا اثر اس کی صحت کے ساتھ ساتھ اسکی بالوں کی صحت پر بھی اثر انداز ہوتا ہے۔

اس لئے اپنی غذاؤں میں پھل، سبزیوں، میوہ جات کو شامل کریں تاکہ آپ کے بال ہمشیہ حسین، گھنے اور چمکدار رہیں۔

اس حوالے سے ماہرین کا کہنا ہے کہ خشک میوہ جات میں اومیگا 3 فیٹی ایسڈ پائے جاتے ہیں جو بالوں کی نشوونما کے لیے انتہائی مفید ہے۔

اسکے علاوہ دالوں، پھلیوں اور سبزیوں کا استعمال انسانی صحت کے لیے مفید ثابت ہوتا ہے۔

ماہرین کے مطابق شکر کندی بیٹا کیروٹین ، وٹامن اے حاصل کرنے کا بہترین ذریعہ ہے، روکھے بے جان بالوں کے لیے شکر کندی کا استعمال نہایت مفید ہے۔

ماہرین کا کہنا ہے کہ انڈوں کا استعمال بالوں کو لمبا اور نئے بالوں کے نکلنے کا سبب بنتا ہے، انڈوں میں بائیوٹین، سیلینیم، زنک کی مقدار بھی پائی جاتی ہے۔