عموماً یہ دیکھا گیا ہے کہ چھوٹے بچوں کو چیخنے کی عادت ہوجاتی ہے اور ان کے چیخنے کا مقصد لوگوں کو متوجہ کرنا، ضد کرنا یا پھر اپنی بات منوانا ہوتا ہے۔

لیکن یہ عادت وقت کے ساتھ ساتھ پکی ہوجاتی ہے اور بچہ ضدی اور خودسر ہوجاتا ہے اور یہ بری عادتوں میں شمار ہوتا ہے۔

لیکن اگر آپ چاہیں تو آپ اپنے بچے کو بروقت اس بری عادت کا شکار ہونے سے بچا سکتے ہیں ۔

اس کے لئے آپ کو چند طریقوں پر عمل کرنا ہوگا تاکہ آپ کا بچہ ضدی اور چیخنے، چلانے کا عادی نا ہوجائے۔

1۔ بچوں کے شیڈول کا خیال رکھنا:

بچوں کی نشونما اور تربیت میں انہیں ان کے مطابق مکمل وقت دینا ضروری ہے ۔

اس لئے کوشش کریں کہ آپ گھر کے کام جلد نمٹالیں تاکہ بچوں کو ان کا مکمل وقت اور توجہ مل سکے ۔

2۔ دھیمی آواز کا استعمال:

جب بچہ چیخنے لگے و اسے تو اسے دھیمی آواز میں بات کرنے کے لیے کہیں اور اس کے علاوہ آپ اپنی آواز بھی دھیمی کرلیں تاکہ وہ آپ کی بات سننے کے لیے چیخنا بند کردے۔

3۔ بچے کے احساسات کو سمجھنا:

جب آپ کا بچہ آپ کی توجہ حاصل کرنے کے لیے چیخ رہا ہو تو اس سے پوچھیے کہ آیا وہ کسی قسم کی بے چینی محسوس کر رہا ہے یا پھر یہ محض جذبات کا اظہار ہے۔

کیونکہ جب بچے کو یہ پتہ چلے گا کہ آپ اس کے احساسات سے واقف ہیں تو اس طرح اس کی نہ صرف بے چینی دور ہوگی۔

4۔ بچےکو مصروف رکھنے کی کوشش:

بچے کو باتوں میں شامل شامل رکھیں اس طرح وہ آپ کے ساتھ باتوں میں مشغول ہوجائے گا اور خاموش بھی رہے گا۔

اس کے علاوہ آپ خریداری کے وقت بچے کو شیلف سے کوئی چیز اٹھانے کا کام بھی دے سکتے ہیں۔