جانیئے، سردیوں میں کپڑے دھونے کا آسان طریقہ

عروبہ خان

24th Nov, 2021. 03:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جانیئے، سردیوں میں کپڑے دھونے کا آسان طریقہ

سردیوں کے موسم میں پانی کا کام کرنا یا کپڑے دھونا ہر کسی کو برا لگتا ہے اور بعض لوگ تو اس وجہ سے بیمار بھی پڑجاتے ہیں۔

لیکن آج ہم آپ کو کچھ ایسے طریقے بتائیں گے جس کی مدد سے موسم سرما کے دوران کپڑے دھونا آسان ہوجائیگا۔

کپڑے پر لگے داغ کو پہلے صاف کرلیں:

کپڑے دھونے کے لئے ایک عادت یہ اپنا لیں کہ جس کپڑے میں کوئی داغ یا دھبہ لگ جائے اسے دھونے سے پہلے صاف کرلیں۔

اس کے لئے کسی موٹے کپڑے یا تولیا کو سرف ملے پانی سے بھگو کر داغ پر ملیں تاکہ کپڑا صاف ہوجائے۔

پہلے سے بھگو دیں:

اگر ہاتھ سے کپڑے دھو رہے ہیں تو لازمی طور پر میلے کپڑوں کو کچھ دیر پہلے سرف ملے پانی میں بھگو دیں اور کوشش کریں کہ پانی گرم ہو تاکہ میل نکل جائے۔

واشنگ مشین کا ہیٹر:

جن لوگوں کے پاس آٹومیٹک مشین ہے وہ اپنے کپڑے دھوتے ہوئے ہیٹر کا استعمال کریں جو مشین کے اندر ہی موجود ہوتا ہے۔

اکثر لوگ بجلی کی بچت یا اس فیچر کے بارے میں نہیں جانتے اس لئے جس دکان سے واشنگ مشین خریدیں وہاں ہیٹر کے بارے میں مکمل معلومات ضرور لے لیں۔