انار، ایک صحت بخش پھل ہے جس کے استعمال  کے بےشمار فائدے ہیں اور غذائی و طبی خصوصیات کے باعث قدرت کا ایک انمول تحفہ تسلیم کیا جاتا ہے۔

لیکن اس پھل کو کھانے کے لئے بہت محنت کرنی پڑتی ہے کیونکہ اس پھل میں موجود دانے جو ہم کھاتے ہیں قدرتی طور پر کچھ اس طرح سے جڑے ہوتے ہیں جن کو نکالنے میں بہت مشکل پیش آتی ہے۔

پر گھبرانے کی کوئی بات نہیں ہے جس طرح ہر مسئلے کا حل ہوتا ہے بلکل ویسے ہی انار کو آسانی سے چھیلنے کے بھی کئی طریقے کار موجود ہیں جس کو ہر کوئی نہیں جانتا ہے۔

آج کے اس آرٹیکل میں ہم آپ کو ان طریقے کار کے حوالے سے آگاہ بھی کریں گے۔

1۔ چمچہ استعمال کرنا:

انار لیں اور اس کے اوپر کے حصے کو کاٹ لیں۔ پھر انار کو چاروں طرف سے لمبائی میں کاٹیں جس سے انار پھول نما شکل اختیار کر لے۔

اب انار کو پلٹیں اور ایک پلیٹ یا پیالہ نیچے رکھیں پھر چمچ کی مدد سے انار کو ماریں جیسے دیوار پر ہتھوڑی مارتے ہیں ایسا کرنے سے انار کے دانے خود نکلنا شروع ہوجائیں گے۔

2۔ ابالنا:

انار کو چھیلنے سے قبل ان کو اچھی طرح دھو لیں اور ایک پتیلی میں پانی ڈال کر اس میں انار کو ڈال دیں اور 15 سیکنڈز یا 1 منٹ تک اچھی طرح کھولتے ہوئے پانی میں ابال لیں ۔ اب اس کو نکالیں اور کاٹیں، اپ دیکھیں گی کہ انار اتنی آسانی سے چھل جائے گا۔

3۔ بھگونا:

انار کو چھیلنے سے آدھا گھنٹہ قبل ٹھنڈے پانی میں بھگو دیں۔ اس کو جب چھیلیں گے تو یہ آسانی سے چھل جائیں گے کیونکہ اس کی اوپری تہہ والا چھلکا سکڑنے لگے گا۔