آج کل کوئی امیر ہو یا غریب سبھی کو یہ بات کرتے سنا جا سکتا ہے کہ بجلی کا بل بہت زیادہ آیا ہے حالانکہ استعمال میں کوئی اضافہ نہیں کیا۔

یہاں استعمال میں اضافے سے مراد یہ ہے کہ اگر کسی کے گھر میں ایک اے سی تھا تو اب بھی ایک ہی اے سی ہے لیکن بل اتنا آرہا ہے کہ سمجھ سے باہر ہے۔

اگر آپ بھی اسی پریشانی کا شکار ہیں تو ہم آپ کو بتائیں گے کہ کیسے بل میں نمایاں کمی لائی جائے۔

سب سے پہلے آپ نے احتیاط کرنی ہے کہ گھر میں کوئی لائٹ یا بلب بلاوجہ جلا کر نہ چھوڑیں، بجلی کا استعمال دن میں کر لیں لیکن شام 7 بجے سے 10 تک نہ کریں۔

ہم میں اکثر لوگوں کی یہ سوچ ہے کہ اگر گھر میں عام بلب کا استعمال کریں گے تو بل کم آئے گا جبکہ یہ سوچ غلط ہے، اگر آپ بل میں کمی چاہتے ہیں تو گھر میں ایل ای ڈی لائٹس اور سیورز استعمال کریں۔

    اگر ہم بات کریں پیک آورز  کی تو یہ ہر شہر کے مختلف ہیں جیسے کراچی کے شام 7 سے رات 10 ہیں اور اسلام آباد میں 6 سے 10 یا 7 سے 11 ہیں۔

ان اوقات کار میں بھاری بجلی کے آلات کا استعمال نہ کریں تو بہتر ہے کیونکہ ایسا کرنے سے بل زیادہ آئے گا۔

اس کے علاوہ گرمیوں میں اے سی سے زیادہ چھت اور ٹیبل فین کا استعمال کریں۔

 اس کی قیمت 30 پیسے فی گھنٹہ ہے جبکہ اے سی 10 روپے فی گھنٹہ چلتا ہے۔

اگر آپ ایئر کنڈیشن چلانا چاہتے ہیں تو اسے 25 ڈگری پر محفوظ کر کے چلائیں اس سے بجلی کی کھپت میں بھی کمی آئے گی۔