آج ہم آپ کو اپنی اس اسٹوری میں بتا رہے ہیں کہ کیسے صرف ان چند چیزوں کے استعمال سے گندے اوون کو پانچ منٹوں میں صاف کیا جا سکتا ہے۔

یہاں یہ بات قابل ذکر ہے کہ مائیکروویو کو صاف کرنا اتنا ہی آسان ہے جتنا اس میں کھانا گرم کرنا۔

اپنے مائیکرو ویو کو صاف کرنے اور اسے اپنے کھانے کے لیے دوبارہ صحت بخش بنانے کے لیے بس ان آسان تجاویز پر عمل کریں، جوکہ آپ کےلئے بے حد مفید ہیں۔

لیموں کے پانی سے بھاپ دیں:

ایک پیالہ لیں اور اس میں پانی اور 1 لیموں کا رس ملا کر مائیکرو ویو کے اندر رکھ دیں ۔

اس کے بعد ہائی پاور پر اس وقت تک گرم کریں جب تک کہ اندر پانی کو ابلتے اور بھاپ بنتے ہوئے نہ دیکھیں۔

اس کے بعد بٹن بند کر دیں اور تقریباً 10 منٹ انتظار کریں جب تک کہ بھاپ ختم نہ ہوجائے۔ پیالے کو باہر نکالیں اور اوون کو اسپنج سے چاروں طرف سے صاف کریں۔

بیکنگ سوڈا سے سخت داغ دور کریں:

کھانے کی باقیات پر بیکنگ سوڈا اور پانی کا گاڑھا پیسٹ بنائیں اور ان داغوں پر لگائیں جنہیں ہٹانا مشکل ہے۔

پیسٹ کو 5-10 منٹ تک رہنے دیں اور پھر گیلے اسپنج سے صاف کریں۔

کلیننگ اسپرے آزمائیں:

ایک اسپرے بوتل میں پانی، لیموں کا رس اور سفید سرکے کو برابر مقدار میں ڈال کر مکس کریں۔

ہر چیز کو یکجا کرنے کے لیے اچھی طرح ہلائیں۔

محلول کو اندر کے تمام حصوں پر چھڑکیں، اسے تقریباً 5 منٹ تک بیٹھنے دیں اور گیلے کپڑے سے صاف کریں۔

چکنائی والے دروازوں کیلئے ڈش صابن کا استعمال کریں:

مائیکرو ویو کے شیشے کا دروازہ آسانی سے چکنائی کا شکار ہو جاتا ہے۔ پانی اور ڈش صابن کے محلول میں ڈوبے ہوئے اسپنج کی مدد سے چکنائی کو رگڑیں۔ پھر سادہ پانی میں ڈبوئے ہوئے سپنج سے دوبارہ صاف کریں۔

صابن والے پانی سے پلیٹ صاف کریں:

لیکویڈ ڈش واشر اور پانی کا محلول بنائیں اور اس میں اسپنج یا اسکرب ڈبو دیں۔ اب اس سے ٹرن ایبل ٹرے (اندر لگی پلیٹ) پر رگڑیں اور کھانے کے ضدی داغ نکال دیں۔