گلوب کا استعمال تو اب ہر گھر میں ہی ہوتا ہے کیونکہ مچھروں سے جان چھڑوانے کا ایک یہ ہی آسان اور سستا حل ہے۔

 لیکن آج ہم آپ کو بتائیں گے کہ اس کے اندر موجود سوراخ میں ماچس کی تیلی لگانے سے کیا ہوتا ہے؟

گلوب کے اندر موجود سوراخ بعض اوقات زیادہ گہرا نہیں ہوتا یا پھر اس میں کلپ فکس نہیں ہو پاتا، ایسے میں آپ گلوب کو جلانے سے پہلے اس کے سوراخ میں ماچس کی تیلی کو گھمائیں۔

اس طرح سوراخ میں اتنی جگہ بن جائے گی کہ آپ باآسانی اس میں کلپ فکس کر سکیں گے، اور جلاتے وقت گلوب پر ہلکا سا پانی کا سپرے کرلیں تو یہ رات بھر جلتا رہے گا۔

اس کے علاوہ آج ہم آپ کو اس کا ایک اور طریقہ استعمال بھی بتائیں گے جو تھوڑا منفرد ہے مگر اس کے نتائج آپ کو بھی مطمئن کر دیں گے۔

ایک کوئل کو پانی سے دھو لیں تاکہ اگر اس پر دھول مٹی لگی ہے تو وہ صاف ہوجائے، اسکے بعد جب کوئل تھوڑا نرم ہوجائے تو اسے ایک پیالے میں چھوٹے چھوٹے ٹکڑے کر کے ڈال دیں۔

 اب اس میں 2 چمچ ہینڈ سینیٹائزر، 1 چمچ بیکنگ سوڈا، 2 چمچ سفید سرکہ اور آدھا لیموں کاٹ کر اسکا رس شامل کرلیں۔

 ان تمام چیزوں کو ڈنڈے کی مدد سے اچھے سے کُوٹ لیں۔ اس میں آدھا گلاس پانی ڈال کر اچھے سے ہلائیں اور کچھ دیر کیلیئے چھوڑ دیں۔

 اب چھلنی کی مدد سے اس مکسچر کو چھان کر ایک اسپرے بوتل میں بھر لیں پھر گھر میں جہاں بھی مچھر، لال بیگ، چونٹیاں یا دوسرے قسم کے کیڑے مکوڑے موجود ہوں وہاں اس کا اسپرے کریں۔

اسکے استعمال سے آپ کے گھر اور کچن میں موجود تمام حشرات الارض بھاگ جائیں گے۔