فریج کا استعمال ہر گھر میں ہوتا ہے لیکن کیا آپ ان غلطیوں کے بارے میں جانتے ہیں جو اس کی زندگی مختصر کر دیتی ہیں؟ اگر نہیں تو آج ہم آپ کو بتائیں گے۔

عام طور پر ایک فریج کی زندگی 10 سے 15 سال ہوتی ہے مگر اچھا خیال رکھنے پر اس میں مزید 5 سے 10 سال کا اضافہ ممکن ہے۔

فریج کی صفائی نہ کرنا

فریج کے دروازے کی صفائی کا خیال نہ رکھنے سے اس کی سیل خراب ہو سکتی ہے، اگر سیل خراب ہو جائے تو ٹھنڈی ہوا باہر لیک ہونے لگتی ہے۔

 اس کے نتیجے میں اس کی زندگی مختصر ہو جاتی ہے۔

اندرونی مشین کی صفائی نہ کرنا

اگر ڈی فروسٹ ڈرین کچرے یا برف کی وجہ سے بند ہو جائے تو کوائلز سے پانی فریج کے نچلے حصے میں گرنے لگتا ہے اور اس کے نتیجے میں اس کی زندگی مختصر ہو جاتی ہے۔

کوائلز کو نظر انداز کرنا

کوائلز فریج کا بہت اہم حصہ ہوتے ہیں جو مشین کی حرارت کا درست طریقے سے اخراج یقینی بناتے ہیں۔

اگر کوائلز میں کچرا جمع ہونے لگے تو فریج کی حرارت اخراج متاثر ہوتا ہے، جس کا مطلب یہ ہوتا ہے کہ کمپریسر کو زیادہ سخت محنت کرنا پڑتی ہے، جس کے باعث فریج زیادہ توانائی خرچ کرنے لگتا ہے اور اس کی زندگی کی مدت گھٹ جاتی ہے۔

فریزر کا ٹمپریچر بہت زیادہ رکھنا

ماہرین کے مطابق ٹمپریچر کا درجہ حرارت 0 سے 5 ڈگری فارن ہائیٹ کے درمیان رکھنا بہتر ہوتا ہے۔

15 ڈگری فارن ہائیٹ سے زیادہ درجہ حرارت سے ڈی فروسٹ تھرمو اسٹیٹ خراب ہو سکتا ہے جس کا نتیجہ فریج کی زندگی مختصر ہونے کی شکل میں نکلتا ہے۔

بہت زیادہ سامان بھرنا

فریج اور فریزر میں بہت زیادہ سامان بھرنے سے اندرونی باکسز کی ساخت متاثر ہوتی ہے جبکہ مختلف حصے ٹوٹنے کا خطرہ بھی بڑھتا ہے۔

وقت کے ساتھ اس عادت کے نتیجے میں فریج غیر فعال ہونے لگتا ہے اور خراب ہو جاتا ہے۔