کولیسٹرول کی سطح اگرخون میں بڑھ جائے تو یہ امراض قلب کا سبب بن سکتی ہے تاہم حال ہی میں ماہرین ادویاں ساز نے ایک ایسی دوا تیار کی ہے جو کولیسٹرول کی سطح کو 65 فیصد تک کم کر کے امراض قلب کے خطرے کو کئی گنا کم کر سکتی ہے۔

میوالاپلن نامی اس دوا نے اپنی پہلی انسانی آزمائش میں شریانوں کو بند کرنے والے کولیسٹرول لے جانے والے پروٹین کو متاثر کن حد تک کم کیا۔

واضح رہے کہ اس تحقیق کی مالی اعانت فارماسیوٹیکل کے ڈویلپر ایلی للی نے کی ہے، جبکہ اس تحقیق میں دل کی بیماری سے منسلک لائپو پروٹین کو کم کرنے کا ایک طریقہ کی تلاش کیا گیا ہے جو عالمی سطح پر موت کی سب سے بڑی وجہ ہے۔

لیپڈ جسے لائپو پروٹین بھی کہاجاتا ہے یہ آدھا پروٹین اور آدھی چربی پر مشتمل ہوتا ہے  یہ خون کے ذریعے تمام جسم تک کولیسٹرول کو لے جاتا ہے۔ ہمارے خلیات کو بہت سے اہم کاموں کے لیے کولیسٹرول کی ضرورت ہوتی ہے، جیسے خلیوں کی سطح کی تیاری، وٹامن ڈی پیدا کرنا اور ہارمونز بنانا شامل ہیں۔

تاہم لائپوپروٹین ان مالیکیولز میں سب سے زیادہ چپچپا ہوتا ہے اگر خون میں اس کی سطح بڑھ جائے تو یہ خون کی شریانوں کو تنگ کر سکتا ہے اور سابقہ کئی مطالعات نے اس مالیکیول کوامراض قلب، خراب خون کی گردش اور فالج سے منسلک قرار دیا ہے۔

یہ مالیکیول جب ایک بار بن جاتا جاتا تو اسے کم کرنا قدرے مشکل ثابت ہوتا اور اس کے لیے غذائی عادات میں تبدیلی اور ورزش کا سہارا لیا جاتا ہے تاہم ادویات اسے کم کرنے میں کافی کارگر ثابت ہوتی ہیں۔

موناش ہیلتھ کارڈیالوجسٹ سٹیفن نکولس اور ان کے ساتھیوں نے اپنے مقالے میں اس نئی دوا کے بارے میں وضاحت کرتے ہوئے کہا، کہ یہ منہ سے لے جانی پہلی دوا ہے جو خاص طور پرلائپو پروٹین کی تشکیل میں خلل ڈال کر اسے کم کرنے کے لیے تیارکی گئی ہے۔

ایک بے ترتیب، ڈبل بلائنڈ فارماسیوٹیکل ٹرائل میں، نکولس اور ان کی ٹیم نے 114 رضاکاروں جن کی عمریں 18 سے 69 برس کے درمیان تھی پر میوالاپلن کے اثر کا جائزہ لیا۔

مطالعہ کے ابتدا میں 55 صحت مند شرکاء کو 1 ملی گرام سے 800 ملی گرام یا پلیسبو کی حد میں میوالاپلن کی صرف ایک خوراک دی گئی۔

جبکہ دوسرا گروپ جس میں 59 صحت مند شرکاء شامل تھے، تاہم ان میں ایل پی اے کی سطح زیادہ تھی 30 ملی گرام کی زبانی خوراک، یا 800 ملی گرام تک کی خوراکیں دی گئیں۔

پہلی خوراک کے صرف 24 گھنٹوں کے اندر خون میں ایل پی اے کے پلازما کی سطح کم ہوگئی واضح رہے کہ کمی کی مقدار خوراک پر منحصر ہے۔

آخری دوائی لینے کے بعد کم ہونے والی ایل پی (اے) کی سطح  50 دن کے بعد بھی اتنی رہی جو کہ ایک بڑی کامیابی ہے۔ سب سے اچھی بات یہ ہے کہ اس نے کسی بھی دوسری چربی کی سطح کو تبدیل نہیں کیا تاہم کچھ شرکاء کو کم دورانئے کے ضمنی اثرات کا سامنا کرنا پڑا جیسے سر درد، کمر میں درد اور تھکاوٹ، متلی اور اسہال اور انہیں فوراً ہی حل کر دیا گیا۔

دوا کی افادیت کا ایک نہایت چھوٹے ٹرائل میں جائزہ لیا گیا تاہم اس کی مجموعی افادیت کا تعین کرنے کے لیے مزید تحقیق کی ضرورت ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں