چپس کا ایک پیکٹ یا پیزا کا ٹکڑا جسے آپ خوش ہوکر کھاتے ہیں تاہم وقتی خوشی دینے والی یہ غذا آپ کو طویل عرصے تک اداس کر سکتی ہیں یہ بات ایک تحقیق کے نتیجے میں سامنے آئی ہے۔

جرنل JAMA اوپن نیٹ ورک میں شائع ہونے والی ایک نئی تحقیق کے مطابق ’’الٹرا پروسیسڈ‘‘ کھانے سے ڈپریشن کا خطرہ بڑھ سکتا ہے۔

ہارورڈ ٹی ایچ کے محققین کی جانب سے شائع ہونے والے نتائج کے مطابق چان سکول آف پبلک ہیلتھ نے 42 سے 62 سال کی عمر کی 31,000 سے زائد خواتین کے غذائی انتخاب اور ذہنی صحت کا تجزیہ کیاگیا۔ یہ اعداد و شمار 2003 اور 2017 کے درمیان کیے گئے نرسوں کی صحت کے حوالے سے کیے گئے مطالعے سے حاصل کیے گئے تھے۔

تمام شرکاء کو ہر چار سال بعد ایک فوڈ سوالنامہ پُر کرنا تھا، جس میں یہ بتانا مقصود تھا کہ آیا انہوں نے الٹرا پروسیسڈ فوڈ  کا استعمال کیا یا نہیں۔

اس تحقیق کے لیے الٹرا پروسیسڈ فوڈز کو نو قسموں میں تقسیم کیا گیا تھا جس میں الٹرا پروسیس شدہ اناج ، میٹھے اسنیکس، کھانے کے لیے تیار غذائیں، چکنائی اور چٹنی، الٹرا پروسیس شدہ ڈیری مصنوعات، لذیذ نمکین غذائیں ، پراسیس شدہ گوشت، مشروبات، اور مصنوعی مٹھاس۔

الٹرا پروسیسڈ فوڈز وہ ہیں جن میں بہت سے پرزرویٹوز، اسٹیبلائزرز، بلکنگ یا جیلنگ ایجنٹس کے ساتھ ساتھ مصنوعی رنگ اور ذائقے شامل ہوتے ہیں، یہ عام طور پر کھانے کی ایسی قسمیں ہیں جو کئی برسوں تک محفوظ رہتی ہیں۔

الٹرا پروسیسڈ فوڈز میں چپس، کینڈی، منجمد ڈنر،’ چکن نگٹس، سوڈا، چینی سے بھرے ناشتے کے سیریلز اور پیک شدہ سوپ شامل ہیں۔

محققین نے ان دیگر عوامل کو بھی مد نظر رکھا جو جو ڈپریشن کے خطرے کو متاثر کر سکتے ہیں جیسے کہ عمر، باڈی ماس انڈیکس، جسمانی سرگرمی، تمباکو نوشی ، نیند، دائمی درد، شراب نوشی، آمدنی، اور موجودہ طبی حالات۔

نتائج کا تجزیہ کرنے کے بعد، محققین نے پایا کہ جو لوگ زیادہ مقدار میں الٹرا پروسیسڈ فوڈز کھاتے ہیں، خاص طور پر، مصنوعی مٹھاس اور مصنوعی طور پر میٹھے مشروبات وہ ڈپریشن کا زیادہ شکار ہوتے ہیں۔

اس کی وجہ یہ ہے دماغ جسم کے دیگر اعضاء کی نسبت اتنا کمزور تو نہیں ہے لیکن پھر بھی اسے صحت مند اور طاقتور رہنے کے لیے صحت بخش غذا کی ضرورت ہوتی ہے اور غیر صحت بخش غذا اس پر منفی اثرات مرتب کرتی ہے۔

اس کی ایک ممکنہ وجہ یہ ہے کہ مصنوعی مٹھاس دماغ میں کیمیائی تبدیلیاں لاتی ہیں جو ڈپریشن کی نشوونما کو متحرک کر سکتی ہیں۔

تحقیق سے بات بھی سامنے آئی کہ جن لوگوں نے الٹرا پروسیسڈ فوڈز کا سب سے زیادہ استعمال کیا ان میں ڈپریشن کا خطرہ 34 فیصد سے 49 فیصد تک بڑھ گیا۔

محققین کا مزید یہ بھی کہنا ہے کہ ان غذاؤں کا استعمال ترک کر کے یا انہیں محدود کرکے مستقبل میں ڈپریشن کے خطرے سے بچا جاسکتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں