سجنا سنورنا اور خوبصورت نظر آنا ہر عورت کا بنیادی حق ہے اور اس کے لیے وہ ہر طرح کے جتن کرتی بھی دکھائی دیتی ہے۔ سائنس کی ترقی کی بدولت جہاں میک اپ کی مصنوعات میں جدت آرہی ہے وہی اسے چہرے پر دیر تک رہنے کے لیے مختلف کیمیکل کا استعمال کر کے واٹر پروف بنایا جارہا ہے تاہم یہ کیمیکلز جلد کے نقصان کا باعث بن سکتے ہیں۔

ٹورنٹو میں مقیم آپٹو میٹرسٹ ڈاکٹر الیکزا ہیچ کا کہنا ہے کہ واٹر پروف میک اپ آنکھوں میں درد اور انفیکشن کا سبب بن سکتا ہے۔

الیکزا کے مطابق واٹر پروف میک اپ آپ کے آنسوؤں میں تحلیل نہیں ہوتا یہی وجہ ہے کہ یہ آنکھوں میں چپک کر بہت دیر تک اس میں رہ سکتا ہے اور ان غدود میں رکاوٹ کا باعث بن سکتا ہے جو آنسو میں تیل پیدا کرتے ہیں۔ واٹر پروف میک اپ پروڈکٹس جیسے آئی لائنر، کاجل اور آئی شیڈو کے استعمال سے گریز کرنا چاہئے۔ اسی طرح واٹر پروف مسکارا اور کاجل کا استعمال پلکوں کے نیچے چپک کر آنکھوں میں جلن اور خشک آنکھ کا باعث بن سکتا ہے۔

الیکزا کا کہنا ہے کہ واٹر پروف میک اپ میں بہت سے کیمیکلز استعمال کیے جاتے ہیں تاکہ وہ زیادہ دیر تک بہتر انداز میں چہرے پر موجود رہے انہی میں پولی فلووروالکل بھی شامل ہے یہ مادہ کیمیکلز کے ایک متنازعہ گروپ سے تعلق رکھتا ہے، یہ جزوی طور پر، کسی بھی مصنوعات کو چکنائی سے محفوظ، واٹر پروف، اسٹک پروف اور داغ سے مزاحمت رکھنے کے لیے استعمال کیا جاتا ہے۔

 الیکزا نے اپنی ایک ٹک ٹاک ویڈیو میں حالیہ تحقیق کا بھی ذکر کیا جس کے مطابق مارکیٹ میں ملنے والے واٹر پروف کاجل کی اکثریت میں زہریلے کیمیکلز موجود ہیں واضح رہے کہ یہ وہی کیمیکل ہے جو نان اسٹک کک ویئر میں پائے جاتے ہیں۔

یہ کیمیکلز میک اپ کو صاف کرنا مشکل بنا دیتے ہیں، جس کی وجہ سے صارفین جب میک اپ کو صاف کرتے ہیں تو ان کی آنکھوں کے گرد جلن اور جھریاں پڑ نے لگتی ہیں۔

دیگر میک اپ پروڈکٹس جن میں کیمیکلز کی وافر مقدار پائی جاتی ہے ان میں گلیٹر آئی شیڈو اور لیش ٹنٹ اور لفٹ شامل ہیں۔ ماہرین نے خبردار کیا ہے کہ واٹر پروف میک اپ کی جگہ عام میک اپ کو ترجیح جائے تاکہ جلد کو مضر کیمیکلز سے محفوظ رکھا جاسکے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں