صحت مند رہنے کے لیے وزن کو بڑھنے سے بچانا نہایت ضروری ہے اور ایک بار جب بڑھا ہوا وزن کم ہوجاتا ہے تو اسے منظم رکھنا کسی چیلنج سے کم نہیں اور دیکھا جائے تو اصل جدوجہد اسی کے بعد شروع ہوتی ہے۔

وزن کم کرنے کے بعد بہت زیادہ بھوک لگتی ہے اور یہاں پر ایسی ہی بھوک کو کنٹرول کے لیے چند تجاویز پیش کی جارہی ہں۔

وزن کم کرنے میں کئی مراحل شامل ہوتے ہیں، لیکن اصل چیلنج اپنے مقصد کو حاصل کرنے کے بعد وزن کنٹرول میں رکھنا ہے وزن میں کمی کے بعد بہت سے لوگوں کو بے وقت کی بھوک پریشان کرتی ہے جس سے بچنا اکثر مشکل ہوجاتا ہے اس طرح دوبارہ وزن بڑھنے لگتا ہے۔ یہ اس لیے ہوتا ہے کیونکہ بھوک کے ہارمون کی سطح وزن میں کمی کے بعد بڑھ جاتی ہے، جس کی وجہ سے بھوک کا احساس زیادہ ہوتا ہے۔

وزن کم کرنے کے بعد آپ کو زیادہ بھوک کیوں لگتی ہے؟

ہارورڈ ہیلتھ پبلشنگ میں شائع ہونے والی تحقیق کے مطابق جب آپ کا وزن کم ہوتا ہے تو معدہ گھرلین ہارمون کی زیادہ مقدار خارج کرتا ہے جو کہ ہر ایک میں بھوک پیدا کرنے والا ہارمون ہے۔ یہ ہارمون خاص طور پر ان لوگوں میں زیادہ متحرک ہوجاتا ہے جنہوں نے حال ہی میں کچھ کلو وزن کم کیا ہو۔ وزن میں کمی کے بعد، انسان کو زیادہ بھوک لگنے لگتی ہے، اگرچہ آپ کا پیٹ بھرا ہوا ہی کیوں نہ ہو۔

وزن میں کمی کے بعد بھوک پر قابو پانے کے چند طریقے

کھانا وقت پر کھائیں

کھانے کی کمی آپ کے موڈ، میٹابولزم اور توانائی کی سطح کو متاثر کر سکتی ہے، جس سے آپ کو بھوک لگتی ہے۔ اس سے بچنے کے لیے، اپنے کھانے کے وقت کے معمول پر قائم رہیں۔ یہ آپ کو مکمل اور مطمئن محسوس کرنے میں مدد کرتا ہے اور آپ کی توانائی کی سطح کو ٹریک پر رکھتا ہے، بھوک محسوس کرنے کی کیفیت کو کم کرتا ہے۔

صحت مند اسنیکس

جب آپ کو بہت زیادہ بھوک لگ رہی ہو  تو اس لمحے کچھ نہ کھائیں بلکہ پہلے سے منصوبہ بناکر رکھیں  کی ایسی صورت میں آپ کیا کھائیں گے، کوشش کریں کہ غذائیت سے بھرپور اختیارات کا انتخاب کریں تاکہ غیر صحت بخش، کیلوری سے بھرپور اسنیکس سے دور رہ سکیں۔

پورشن کنٹرول

غذا کے سائز کا خیال رکھیں چھوٹی پلیٹوں میں کھانے سے زیادہ کھانے سے بچنے میں مدد مل سکتی ہے۔ جب بھی ممکن ہو تو اپنے کھانے کے پورشن کو پہلے سے پیمائش کریں تاکہ زیادہ کھانے سے بچ سکیں۔

فائبر کا استعمال کریں

فائبر سے بھرپور غذائیں بھوک کو کنٹرول کرنے میں مدد کر سکتی ہیں کیونکہ وہ آپ کو پیٹ بھرنے اور ہاضمے میں مدد فراہم کرتی ہیں۔ اپنی غذا میں فائبر سے بھرپور آپشنز جیسے پھل، سبزیاں، گری دار میوے اور بیج شامل کریں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں