میٹھا کسے پسند نہیں ہے، بچے ہو یا بڑے سب ہی اسے شوق سے کھاتے ہیں میٹھی غذاؤں کی تیاری میں دیگر اجزاء کے ساتھ جو سب سے اہم شے ہوتی ہے وہ ہے شکر۔

یہ بات سب ہی جانتے ہیں کہ ہم جتنی بھی غذا کھاتے ہیں ان میں سب سے غیر صحت بخش چیز چینی ہے جسے سفید زہر کہاجاتا ہے ماہرین غذائیت کے مطابق ایک صحت مند انسان کی دن بھرکے لیے چینی کی تجویز کردہ مقدار صرف 25 گرام یعنی 5 چائے کے چمچ کے برابر ہے۔

 اس کے نقصان کی سب سے بڑی وجہ یہ ہے کہ چینی کیلوریز سے بھر پورمگرغذا ئیت سے خالی ہوتی ہے اسی لیے اسے صرف کیلوریز کہا جاتا ہے۔ اس کا زیادہ استعمال جسم کے میٹابولزم پر نہایت منفی آثر ڈالتا ہے اورکئی خطرناک امرض جن میں موٹاپا، جگر کے امرض، ٹائپ ٹوذیابیطس اور کینسر کے خدشے کو بڑھاتا ہے۔ چینی کے خون میں شامل ہونے سے قبل نظام انہضام اسے دو طرح کی سادہ چینی گلوکوزاور فریکٹوزمیں تقسیم کر دیتا ہے۔

 جو لوگ چینی کا زیادہ استعمال کرتے ہیں ان کے خون میں موجود فریکٹوز چکنائی میں تبدیل ہوکر جگر پر جمنا شروع ہوجاتی ہے اورلبلبہ میں انسولین کی کرکردگی متاثر ہونے لگتی ہے جس سے ٹائپ ٹوذیا بیطس کا خطرہ کئی گناہ بڑھ جاتا ہے۔

اگر آپ چینی کو ایک ماہ تک ترک کر دیتے ہیں تو اس سے جسم میں کئی صحت مند تبدیلیاں جنم لیتی ہیں جنہیں یہاں پر ذکر کیا جارہا ہے۔

خون میں چینی کی سطح کا توازن میں رہنا

چینی کو غذا میں شامل نہ رکھنے سے خون میں چینی کی سطح توازن میں رہتی ہے، اس طرح ذیابیطس اور امراض قلب کا خطرہ کم ہوجاتا ہے۔

صحت مند وزن کو برقرار رکھے

چینی ترک کرنے پر صحت مند وزن کو برقرار رکھنے میں مدد ملتی جو میٹھی غذاؤں کی وجہ سے بڑھنے لگتا ہے کیوںکہ چینی میں کیلوریز زیادہ اور غذائیت بلکل نہیں ہوتی اس طرح یہ جسم میں ضروری غذائیت کی کمی ہونے لگتی ہے۔

منہ کی صحت

چینی منہ میں دانتوں اور مسوڑھوں کی صحت کو متاثر کرنے میں بنیادی کردار ادا کرتی ہے ایک مہینے تک چینی ترک کرنے سے منہ میں دانتوں اور مسوڑھوں کی صحت بہتر کرنے میں مدد ملتی ہے۔

صحت مند جگر

اگر چینی کا زیادہ استعمال کیاجائے تو یہ جگر پر چکنائی کی صورت میں جمع ہونے لگتی جس سے نان الکحل فیٹی لیور کا خدشہ بڑھ جاتا ہے ایک ماہ تک چینی نہ کھانے سے جگر پر چکنائی جمنے سے روکنے اور اس کے افعال کی بہتر انداز میں انجام دہی میں مدد ملتی ہے۔

توانائی میں اضافہ

توانائی کے لیے میٹھی غذاؤں پر انحصار کرنا اکثر توانائی میں کمی کا سبب بنتا ہے اس کی وجہ  کاربوہائیڈریٹ ہے جو فوری توانائی فراہم کرنے کے ساتھ اسے کم بھی کر دیتا ہے۔  چینی ترک کرنے سے آپ صحت بخش غذا سے توانائی حاصل کریں گے اور خود کو زیادہ توانا اور صحت مند محسوس کریں گے۔

امراض قلب سے تحفظ

چینی چھوڑنے سے امراض قلب کا خطرہ کم ہوجاتا ہے کیونکہ چینی ترک کرنے پر جسم اندرونی سوزش اور مضر صحت کولیسٹرول کے بڑھنے سے بچا رہا ہے، جو امراض قلب کی بڑی وجہ ہے۔

بہتر جلد

جسم چینی جیسے کاربوہائیڈریٹ کو گلوکوز میں توڑکرانسولین کی سطح کو بڑھاتا ہے اس طرح جسم میں سوزش کا خطرہ بڑھنے لگتا ہے یہ سوزش ایسے انزائمز پیدا کرتی ہے جو آپ کی جلد میں پروٹین کو توڑ دیتی ہے جسے کولیجن کہا جاتا ہے جس سے آپ کی جلد ڈھلنے لگتی ہے اس طرح جلد پر جھریوں کے ساتھ یہ سوزش مہاسوں کی شکل بھی اختیار کر سکتی ہے۔ لہذا، جب آپ اپنی غذا سے چینی کو ترک کر دیتے ہیں تو جلد آہستہ آہستہ بہتر ہونے لگتی ہے۔

دماغی صحت

بہت زیادہ چینی کھانے سے مزاج اور علمی افعال متاثر ہونے لگتے ہیں ایک ماہ تک چینی چھوڑنے سے موڈ میں بہتری آتی ہے آپ تناؤ سے بچے رہتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں