منہ کی صحت و صفائی آپ کی مجموعی صحت  کی ضامن ہے اسی لیے ماہرین صحت دانتوں کی صفائی کا خاص خیال رکھنے کا مشورہ دیتے ہیں۔ ٹوتھ برش دانتوں کی صفائی میں بنیادی کردار ادا کرتا ہے اس لیے اس ٹول کا صاف ہونا نہایت ضروری ہے کیونکہ اگر یہ صاف اور جراثیم سے پاک ہوگا تب ہی یہ دانتوں کی صحت و صفائی کام بہتر طریقے سے انجام دے سکے گا۔

ڈاکٹر ایلی فلپس جو کہ آسٹن، ٹیکساس میں مقیم ایک ماہر ڈینٹسٹ ہیں کے مطابق آپ کا ٹوتھ برش منہ کی صحت کو متاثر کرنے والے کئی بیکٹریا کی پناہ گاہ ہوسکتا ہے۔

ان کا کہنا ہے کہ بہت سے لوگ ٹوتھ برش کے حوالے سے یہ بات جانتے ہیں کہ معمولی سا دکھائی دینے والا یہ برش منہ کی صحت کے لیے خطرناک ثابت ہوسکتا ہے۔ اکثر لوگ گھر کو جراثیم سے پاک کرنے لیے کئی طرح جتن کرتے ہیں لیکن ٹوتھ برش کو بھول جاتے ہیں جبکہ اس پر گھر کی دیگر جگہوں کی نسبت زیادہ جراثیم پائے جاتےہیں۔

یہ بات تو سب ہی جانتے ہیں کہ منہ اور لعاب میں بھی کئی طرح کے انزائم اور بیکٹریا موجود ہوتے ہیں تاہم برش کرنے کے بعد یہ جراثیم برش میں منتقل ہوجاتے ہیں اور باتھ روم کا مرطوب ماحول اور برش کے گیلے ریشے ان کی افزائش کے لیے ساز گار ماحول پیدا کرتے ہیں۔

اکثر لوگ نہاتے ہوئے برش کرتے ہیں اس طرح ٹوتھ پیسٹ باتھ روم کے فرش کی سطح کو سلپ ہونے والا بنا سکتا جبکہ الیکٹرک ٹوتھ پیست کو بہتے ہوئے پانی سے نہیں دھویا جاسکتا۔ تاہم کچھ احتیاط کے ساتھ ٹوتھ برش کو بیت الخلا کے قریب رکھنے میں کوئی حرج نہیں ہے جیسے ٹوائلٹ استعمال کرنے کے بعد ہمیشہ ڈھکن بند کر کے فلش کریں لیکن ٹوائلٹ کھلا ہوا ہے تو پھر ٹوتھ برش کو بیت خلا سے باہر رکھیں۔

اگرچہ آپ ٹوتھ برش کو جراثیم سے پاک کرنے کے لیے ابال نہیں سکتے، لیکن استعمال کے بعد اسے خشک ضرور کریں۔ منہ کی حفظان صحت کو برقرار رکھنے اور دن میں دو بار برش کرنے کے لیے علحیدہ یعنی دو ٹوتھ برش ضرور رکھیں۔

ڈاکٹر ایلی فلپس کے مطابق شام کے وقت ایک ٹوتھ برش اور صبح کے وقت دوسرا ٹوتھ برش استعمال کریں، اس طرح آپ کے پاس دونوں ٹوتھ برش کے استعمال میں 24 گھنٹے کا وقت درکار ہوگا۔

لیکن ایسے افراد جو صرف ایک ٹوتھ برش استعمال کرتے ہیں، امریکن ڈینٹل ایسوسی ایشن اسے ہر تین سے چھ ماہ بعد معیاری ٹوتھ برش سے تبدیل کرنے کا مشورہ دیتی ہے، جب کہ کچھ ماہرین ٹوتھ برش کو صاف کرنے کے لیے برسلز کو اینٹی بیکٹیریل ماؤتھ واش میں 30 سیکنڈ تک بھگونے کا مشورہ بھی دیتے ہیں۔

روان برس کے آغاز کے ساتھ ماہر دندان ساز نے عام ٹوتھ برش کے بجائے الیکٹرک ٹوتھ برش کے استعمال کامشورہ دیا ہے کیونکہ اس کے ساتھ کئی ٹوپ جس میں ریشے موجود ہوتے ہیں آتے ہیں اس طرح خراجات میں کمی لائی جاسکتی ہے تاہم گھر میں موجود اجزاء سے دانت صاف کرنا جس میں فلورائیڈ موجود نہ ہو آپ کے دانتوں کے لیے نقصان کا باعث بن سکتاہے لہذا اس سے گریز کیا جائے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں