موسم سرما کا آغااز ہونے والا ہے اور ایسی صورت میں جسم میں بہت ساری تبدیلیاں جنم لیتی ہیں اسی میں گلا بھی شامل ہیں۔ کبھی آپ نے غور کیا ہے کہ گلا آپ کے لیے کتنے اہم کام انجام دیتا ہے جیسے آواز پیدا کرنا، خوراک کو غذائی نالی تک لے جاتا ہے اسی طرح ہوا کے لیے ایک گزگاہ کا کام انجام دینا تاکہ وہ سانس کی نالی تک رسائی حاصل کر سکے۔

تاہم لوگوں بڑی تعداد گلے کی مناسب دیکھ بھال اور اس کی صحت کا خیال نہیں رکھتی جب تک کہ اس میں خراش یا نگلنے وقت تکلیف محسوس نہ ہو۔ یہاں ان عادات کا ذکر کیا جارہا ہے جنہیں اپنا کر آپ اپنے گلے کو صحت مند رکھ سکتے ہیں۔

ہائیڈریٹ رہیں 

گلے کی اندرونی سطح نہایت نرم بافتوں سے بنی ہوئی ہیں جنہیں صحت مند رکھنے کے لیے نم رکھنا بے حد ضروری ہے۔ کوشش کریں کہ کیفین سے بھرپور مشروبات سے دور رہیں جوجسم کو ہائیڈریٹ رکھنے میں رکاوٹ کا سبب بنتے ہیں۔

پیاس لگنے کی صورت میں سافٹ ڈرنک کے بجائے پانی پینے کو اپنی عادت بنائیں۔ ماہرین صحت کا مشورہ ہے کہ روزانہ 6 سے 8 گلاس پانی لازمی پیئے اور اگر آپ ایسی جگہ کام کر رہے ہیں جہاں کا موسم خشک ہے یا ایئر کنڈیشنڈ چل رہا ہو تو پانی کا استعمال بڑھا دیں۔

 ٹوتھ برش کی صفائی کو یقینی بنائیں

جس طرح دانتوں کو باقاعدگی سے صاف کرنے کے لیے برش کرنے کی ضرورت ہے اسی طرح ٹوتھ برش کی صفائی کا بھی خاص خیال رکھیں۔

دانتوں کی صفائی کے دوران کھانے کے اجزاء اور دیگر مواد سے جراثیم اور بیکٹیریا برش پر جمع ہوجاتے ہیں۔ اس لیے صبح دانت برش کرنے سے پہلے ایک کپ گرم پانی میں ایک چائے کا چمچ نمک ملا کر اس میں اپنے ٹوتھ برش کو بھگو دیں۔ نمکین پانی بیکٹیریل خلیوں دور کر کے برش کو صاف کر دے گا۔

حفظان صحت کے اصول اپنائیں

بنیادی حفظان صحت کے طریقے، جیسے کہ کھانے سے پہلے ہاتھ دھونا اور کھانے کے برتن اور دیگر ذاتی اشیاء کا اشتراک نہ کرنا، گلے کی خراش کو روکنے میں کافی حد تک معاون ثابت ہوسکتا ہے اس طرح وائرل یا بیکٹیریل گلے کے مسائل دوسروں تک نہیں پھیلے گے۔

گلے کو آرام دیں

اگر آپ کسی ایسے پیشے سے وابستہ ہیں جس میں بات کرنا یا زیادہ بولنا شامل ہے جیسے گلوکار، اداکار، اسپیکر، استاد، یا ڈاکٹر ہیں تو ایسی صورت میں کچھ دیر کے لیے خاموشی اختیار کریں تاکہ گلے کو آرام دیا جاسکے۔

نیم گرم نمکین محلول سے غرارے کریں

جیسا کہ سب ہی یہ بات جانتے ہیں کہ نمک ملے پانی سے  غرارے کرنا بہترین جراثیم کش عمل ثابت ہوتا  ہے اس طرح بیکٹیریا کی نشوونما رک جاتی ہے۔ لہٰذا، صحت مند گلے اور صبح کے وقت صاف ستھرا سانس لینے کے لیے، سونے سے قبل نیم گرم پانی میں نمک ملا کر غرارے ضرور کریں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں