صحت مند رہنے کے لیے جہاں متوازن غذا ضروری ہے وہی کچھ غذاؤں کا امتزاج صحت کو نقصان بھی پہنچاسکتا ہے۔ بہت سی غذائیں ایسی ہیں جنہیں اگر دوسری غذاؤں کے ساتھ استعمال کیا جائے تو یہ نظام انہضام کے کئی مسائل کو جنم دیتی ہیں جس کا براہ راست اثر آپ کی صحت پر پڑتا ہے۔ یہاں پر ایسے ہی 5 پانچ غذاؤں کا ذکر کیا جارہا ہے جنہیں ملا کر استعمال کرنا صحت کے لیے مضرہے۔

پھل اور ڈیری مصنوعات

پھل اور ڈیری مصنوعات دونوں ہی بے حد صحت بخش غذائیں ہیں جو آپ کو صحت مند رکھنے ساتھ کئی امراض سے تحفظ بھی فراہم کرتی ہیں۔ تاہم ماہرین پھلوں کو ڈیری مصنوعات کے ساتھ استعمال کرنے سے منع کرتے ہیں، خاص طور پر ترش پھل جیسے نارنگی اور انناس، یہ آپ کے ہاضمے کو متاثر کر سکتے ہیں اس طرح گیس، اپھارہ اور قبض جیسے مسائل جنم لے سکتے ہیں۔

اسٹارچ اور پروٹین

اسٹارچ والی غذائیں جیسے ڈبل روٹی اور آلو کو گوشت کے ساتھ کھانا ہاضمے کو سست کرسکتا ہے اور معدے میں بھاری پن کا سبب بن سکتا ہے جس سے آپ بے آرامی محسوس کریں گے۔

بہت زیادہ چینی اور بہت زیادہ چکنائی کا امتزاج

بہت زیادہ چینی اور چکنائی کا امتزاج جیسے میٹھے پکوان کے ساتھ فرائیڈ غذائیں کھانا آپ کو بہت زیادہ چارج کر سکتا ہے توانائی کو بہت زیادہ بڑھا سکتا ہے، ساتھ ہی یہ نظام انہضام میں خلل پیدا کر کے اسے متاثر کرسکتا ہے۔

ترش پھل اور کیفین

ترش پھلوں میں موجود ایسیڈیٹی کیفین کے اثر کو کئی گنا بڑھا دیتی ہے جس سے ایسڈ ریفلوکس اور ہاضمے کے دیگر مسائل جنم لے سکتے ہیں۔ کوشش کریں کہ دن کے آغاز پر جوس اور کیفین سے بھر پور مشروبات کو ایک الگ کرٰیں یا ان میں سے کسی ایک کو استعمال کریں۔

انگور اور دودھ

دودھ اور انگور کو ملا کر کھانا ایک غیر صحت بخش امتزاج ہے یہ پیٹ میں درد اور ڈائریا کا سبب بن سکتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں