دنیا بھر میں ایسے افراد کی کمی نہیں ہے جن میں وزن بڑھنے کا رجحان پایا جاتا ہے وہ کچھ بھی کھا لیں وزن ضرور بڑھے گا، اور یہ بات آپ بخوبی جانتے ہیں موٹاپا بذات خود کئی بیماریوں کی آماجگاہ ہے اس لئے وزن کو ہمیشہ اعتدال میں رکھنا چاہئے۔

فی زمانہ جسے دیکھیں وزن کے لیے پریشان رہتا ہے کہ کیسے کم کیا جائے لیکن تھوڑی سی سمجھداری سے کام لیا جائے تو ایسے کئی طریقے ہیں جو بنا کسی ورزش کے آپ کا وزن کم کرسکتے ہیں۔ جیسے اگر سونے سے پہلے چند باتوں کو سمجھ لیا جائے اور انہیں اپنا معمول بنالیں تو نیند کی حالت میں بھی وزن کو کم کیا جاسکتا ہے۔
وزن میں کمی کے حوالے سے کچھ ٹپس ایسی ہیں جن کے ذریعے سوتے ہوئے بھی آپ دبلےپتلے، اسمارٹ اور چاق و چوبندرہ سکتے ہیں۔ بس ان پرعمل لازمی ہےاوروہ کیا ہیں جانتے ہیں۔

سونے کے لیے وقت مقرر کریں

جس طرح اور بہت سے کام وقت پر کیے جاتے ہیں، اسی طرح  نیند کے لیے وقت مقرر کریں وقت پر سونے کی  اپنی اہمیت ہے۔ جو لوگ رات دیر تک جاگتے ہیں وہ صحت کے حوالے سے کسی نہ کسی مسائل میں مبتلا رہتے ہیں۔ وزن کم کرنے میں جسم میں موجودہارمونز لیپٹن اور گریلن اہم کردار ادا کرتے ہیں۔ جو لوگ اپنی نیند کے ساتھ انصاف کرتے ہیں ان کے جسم میں گریلن کی مقدار کم اور لیپٹن کا تناسب زیادہ ہوتاہے۔

کمرے کو ٹھنڈا رکھیں

جب آس پاس ٹھنڈ ہوتی ہے تو جسم میں موجود  فیٹس جسم کو گرم رکھنے کے لیے استعمال ہو تے ہیں جس سے وزن کم ہونے لگتا ہے۔ یہ بات نئی تحقیق سے بھی ثابت ہے  ہوئی ہے کہ سوتے وقت کمرے میں اے سی چلانے یا اسے ٹھنڈا رکھنے سے سوتے ہوئے چربی گھلنے کا عمل تیز ہو جاتا ہے۔

پروٹین شیک

سونے سے پہلے 30 گرام تک پروٹین شیک پیا جائے تو اگلی صبح میٹابولزم زیادہ اچھا رہتا ہے جس سے وزن کم کرنے میں بہت مدد ملتی ہے۔

چیز

خالی پیٹ رہنا وزن کم کرنے میں مشکل پیدا کر سکتا ہے اور وہ بھی ان لمحوں میں جب آپ سونا چاہتے ہوں۔ خالی پیٹ نیند بھی مشکل سے آتی ہے ۔ سونے سے قبل تھوڑی سی کوٹیج چیز کھانے سے پروٹین حاصل ہوتا ہے جس سے نیند بھی پرسکون آتی ہے اور وزن بھی کم ہوتا ہے۔

ورزش

صبح سویرے آپ کتنی بھی ورزش کر لیں اس کا آپ کے سونے کے دوران وزن کم کرنے کے نظام پر کوئی اثر نہیں پڑے گا، لہٰذا تھوڑی سی ورزش سونے سے پہلے بھی ضروری ہے، تاکہ وزن کم کرنے کے حوالے سے آپ کو بہترین نتائج نظر آئے۔

گرین ٹی

نیند میں جانے سے پہلے اگر سبز چائے پی لی جائے تو اس سے اسٹریس ہارمونز میں کمی آتی ہے جو بھوک بڑھاتے ہیں اور چربی جمع کرتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں