صبح کا ناشتہ ہو یا شام کی چائے مکھن اور ڈبل روٹی کے بغیر گزارہ نہیں ہوتا، تاہم معمولی سا نظر آنے والا یہ عمل آپ کی شخصیت کے کئی چھپے ہوئے پہلو کو عیاں کرتا ہے۔

محض مکھن اور ڈبل روٹی کس طرح آپ کی شخصیت کی چھپی ہوئی باتوں کو ظاہر کر سکتی ہے تو اس سلسلے میں ایک ماہر کا کہنا ہے کہ آپ اپنے ٹوسٹ پر مکھن کس طرح لگاتے ہیں دراصل یہ عمل آپ کے بارے میں بہت کچھ بتاتا ہے۔

نوٹنگھم، انگلینڈ سے تعلق رکھنے والے باڈی لینگویج کے مشہور ماہر اور محقق ڈیرن اسٹینٹن نے ڈبل روٹی پر مکھن لگانے کی کئی اقسام بیان کی ہے جو اصل میں شخصیت کے راز کھولتی ہے۔

بظاہر آسان سا نظر آنے والا یہ عام کام ہمارے لاشعور کا کینوس بن جاتا ہے، جس سے وہ خصلتیں ظاہر ہوتی ہیں جن سے شاید ہم خود بھی واقف نہیں ہوتے، اگلی بار جب آپ اپنے  ٹوسٹ پر مکھن لگائیں تو یاد رکھیں، آپ اپنی شخصیت کے بارے میں اس سے کہیں زیادہ انکشاف کررہے ہیں، جس کے بارے میں آپ سوچ بھی نہیں سکتے۔

تحقیق کے مطابق اوسطاً فرد ہر سال روٹی کے 574 ٹکڑوں پر مکھن لگاتا ہے۔ آپ کس طرح ڈبل روٹی پر مکھن لگاتے ہیں جانتے ہیں۔

گلائیڈر

مکھن کی تھوڑی سی مقدار ڈبل روٹی کے درمیان رکھ کر پھیلانا

اس تحقیق کے دوران 2,000 بالغوں میں سے، تقریباً 50فیصد نے اس طریقہ کو استعمال کرنے کا دعویٰ کیا، جس سے یہ بات سامنے آئی ہے کہ یہ ڈبل روٹی پر مکھن لگانے کا سے یہ سب سے زیادہ عام اور مقبول طریقہ ہے۔ اسٹینٹن کے مطابق اس طریقے سے مکھن لگانے والے افراد نرم مزاج اور پرسکون طبیعت کے مالک  ہوتے ہیں۔

یہ کسی بھی رکاوٹ یا دباؤ والے حالات کی پرواہ کیے بغیر زندگی میں آگے بڑھتے ہیں اور پرسکون رہتے ہیں۔ جبکہ دوسرے اس صورت حال میں حیران اور مشتعل ہوجاتے ہیں۔ یہ ایسے افراد کا ساتھ دیتے ہیں جن کے پاس کوئی نہیں ہوتا اور ان کے مسائل سنتے ہیں اور حل کرنے کی کوشش کرتے ہیں۔

ٹوٹل کوریج

ڈبل روٹی پر مکھن کو یکساں طور لگانا

تحقیق کے مطابق  19 فیصد افراد ’’ٹوٹل کوریج‘‘ کا انداز اپناتے ہیں یعنی یہ مکھن کو ڈبل روٹی کے کناروں تک لگاتے ہیں۔

یہ کسی بھی کام کو اس کے طریقہ کار مطابق انجام دیتے ہیں اور یہ اپنے دوستوں کے گروپ میں سب سے زیادہ نظم و ضبط کے پابند ہوتے، یہ وہی ہیں جو کئی مہینوں پہلے سے ہی گروپ کی سرگرمیوں کی منصوبہ بندی کرتے ہیں۔

یہ ہر چیز کو اس کی جگہ پر رکھتے ہیں اور بے ترتیبی پسند نہیں کرتے، یہی وجہ ہے کہ یہ اس بات کو یقینی بناتے ہیں کہ ٹوسٹ کا ہر حصہ مکھن سے ڈھکا ہوا ہے اور مکھن کی صحیح مقدار یکساں طور پر ہر جگہ لگی ہوئی ہو۔

ان کا یہ انداز ایک طرح سے کنٹرول کو بھی ظاہر کرتا ہے، روٹی کے کچھ حصوں کو مکھن کے بغیر چھوڑنا ان کے لیے آدھی ختم ہونے والی چیز کو چھوڑنے کے مترادف ہوگا۔

کلمپر

  مکھن کو ڈبل روٹی پر یکساں طور پر نہیں لگانا بلکہ تھوڑی تھوڑی مقدار ڈبل روٹی پر چھوڑ دینا

 صرف 6 فیصد لوگ اس طرح مکھن لگاتے ہیں ایسے افراد اپنی دنیا میں مگن ہوتے ہیں اور اپنے طریقے سے اور اپنے نداز سے  کام کرتے ہیں، کسی کا اپوائنٹمنٹ بھی دیر سے لیتے ہیں اور دیر سے دکھاتے ہیں کیونکہ وہ سمجھتے ہیں کہ ان کے پاس زیادہ وقت ہے۔ وہ فطرت میں کھوئے ہوئے رہتے ہیں اور باکس سے باہر جاکرسوچتے ہیں۔

ایسے افراد صرف مکھن کے ساتھ ڈبل روٹی کھا کر خوش ہوتے ہیں وہ اس کی پروا نہیں کرتے ٹوسٹ کے تمام حصوں پر مکھن لگا ہوا ہے یا نہیں۔

کرسٹ اوائیڈر

ڈبل روٹی کے کناروں پر مکھن نہ لگانا

صرف 5 فیصد افراد اس طرح مکھن لگاتے ہیں، ایسے افراد ہر کام کو بہت طریقے ار سلیقے سے کرتے ہیں اور کام کے دوران کسی قسم کی گڑبڑ کرنا پسند نہیں کرتے۔ یہ غالباً خود کو پرفیکشنسٹ کے طور پر پیش کرتے ہیں اور اکثر انتظامی کاموں میں کامیاب ہوتے ہیں۔

یہ بہت زیادہ کمال پسند ہوتے ہیں اور ڈرتے ہیں کہ مکھن روٹی یا ٹوسٹ کے کنارے پر پھیل جائے گا اور ان پر یا فرش پرگر جائے گا۔

ڈبل سائڈر

ڈبل روٹی کے دونوں اطراف پر مکھن لگانا

ایسے افراد جو ڈبل روٹی کے دونوں طرف مکھن لگاتے ہیں وہ دیگر مکھن لگانے والوں کی نسبت سب سے زیا دہ منفرد شخصیت رکھتے ہیں کیونکہ کوئی بھی ڈبل روٹی کے دونوں طرف مکھن نہیں لگاتا۔

ایسے افراد بہت زیادہ تخلیقی ہوتے ہیں لیکن تنہائی پسند ہوتے ہیں، توجہ کا مرکز بننے میں کوئی اعتراض نہیں کرتے۔ ان کی الماری ہو یا  ظاہری وضع قطع یہ غیر معمولی ہوتے ہیں اور زندگی کو بھر پور انداز میں گزارنا پسند کرتے ہیں۔

ٹیر اینڈ اسپریڈ

ڈبل روٹی کو توڑ کر مکھن لگانا

یہ لوگ حیرت انگیز طور پر قابل ہوتے ہیں، ڈبل روٹی کو توڑ کسی خاص ٹکڑے کو کھاتے ہیں۔ ایسے افراد دوسروں سے مختلف انداز میں سوچتے ہیں، اس طرح یہ  دوسروں کے ساتھ بہتر انداز میں اور اعتماد کے ساتھ بات چیت کرتے ہیں۔

کرلر

مکھن کو کسی ٹول کے ذریعے ڈبل روٹی پر لگانا

اگر آپ کے پاس اپنے بٹر اسپریڈ کو شکل دینے کے لیے کوئی گیجٹ ہے تو آپ کرلر ہیں۔ یہ ٹول مکھن کو ڈبل روٹی پر پھیلانا آسان بناتا ہے، اور یہ بات انہیں خوش کرتی ہے اور انہیں یہ یقین دلاتی ہے کہ ان کا طریقہ بہترین طریقہ ہے۔

ایسے افراد چیزوں کو ’’منفرد‘‘ انداز میں کرنا چاہتے ہیں اور کسی مسئلے کو حل کرنے کے لیے زیادہ مبہم طریقہ تلاش کرتے ہیں۔کرلرز پرفیکشنسٹ ہوتے ہیں اور انہیں اسٹریٹ اسمارٹ سمجھا جاتا ہے۔

بارلے دیئر

مکھن کی کم سے کم مقدار استعمال کرنا

یہ ڈبل روٹی پر کم مکھن لگاتے ہیں اور بریڈ کے اصل ذائقے سے لطف اندوز ہونا چاہتے ہیں نہ کہ مکھن کے ساتھ۔ یہ ناشتے پر زیادہ سے زیادہ وقت گزارنا چاہتے ہیں، ان کے پاس کرنے کے لیے بہت کچھ ہوتا ہے یہ حال میں جینے کو ترجیح دیتے ہیں۔ انہوں نے جو کچھ حاصل کیا ہوتا ہے اس سے مطمئن رہتے ہیں لوگوں کا ان کے ساتھ رہنا مشکل ہوسکتا ہے۔

یہ لوگ صحت کے حوالے سے کافی محتاط ہوتے ہیں یہی وجہ ہے کہ مکھن کی کم سے کم مقدار استعمال کرتے ہیں۔

ڈو یو وانٹ ٹوسٹ ود یور اسپریڈ

ڈبل روٹی پر اتنا زیادہ مکھن لگانا کہ ڈبل روٹی دکھائی نہ دے

ایسے افراد مکھن کا اتنا زیادہ استعمال کرتے ہیں ڈبل روٹی بلکل ہی نظر نہیں آتی۔ ایسے افراد اپنی پسند کی چیزوں سے لطف اندوز ہونے کے لیے کبھی پیچھے نہیں ہٹتے اور مروت سے کام نہیں لیتے، جو کچھ بھی کر سکتے ہیں اس میں شامل ہونا پسند کرتے ہیں۔

ٹوسٹ پر مکھن کی ضرورت سے زیادہ مقدارلگانا، عام طور پر بہت خوش مزاج ہونے کی عکاسی کرتی ہے اور یہ کہ یہ زندگی کی ہر چیز کو کس طرح دیکھتے ہیں۔ ایسے لوگ بہت خوش مزاج اور کھلے ذہن کے مالک ہوتے ہیں۔

واضح رہے کہ ایک سابقہ تحقیق کے مطابق کچھ لوگ ایسے ہیں جب ڈبل روٹی پر ان کے مطابق مکھن نہ لگایا جائے تو ناراض ہوجاتے ہیں، 51 فیصد بالغ افراد نے اس بات کا اعتراف کیا ہے کہ جب ان کے ٹوسٹ کو مناسب طریقے سے مکھن نہیں لگایا جاتا ہے تو وہ مایوسی کا شکار ہوجاتے، جب کہ 17 فیصد نے اعتراف کیا کہ وہ اس کے بارے میں اتنا زیادہ نہیں سوچتے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں