لہسن سپر فوڈ میں شامل ایک ایسی صحت بخش سبزی ہے جسے دنیا بھر میں مختلف پکوان میں مصالحے اور کئی امرض میں بطور دوا استعمال کی جاتی ہے۔  اس میں اینٹی بیکٹریل خواص کے ساتھ دیگر انتہائی صحت بخش اجزاء پائے جاتے ہیں جو صحت کو برقرار رکھ کر کئی امراض سے تحفظ فراہم کرتے ہیں اسی لیے لہسن کو سپر فوڈ میں شامل کیا گیا ہے۔

لہسن کومختلف طرح سے غذا میں شامل کیا جاتا ہے لیکن اس کے عرق کا براہ راست استعمال حیران کن اثرات مرتب کرتا ہے۔ یہاں پرلہسن کے رس کے چند حیرت انگیز فوائد پیش کیے جارہے ہیں۔

لہسن کا عرق بنانے کا طریقہ

آپ کو جتنا عرق چاہئے اس کے حساب سے لہسن کے جوئے لے کر چھیل لیں، اب اسے بلینڈر میں پیس کرکسی پیالی میں چھلنی کی مدد سے چھان لیں پھر اس کا خالص عرق حاصل کرنے کے لیے کافی فلٹرپیپر کی مدد سے چھان کر ایک بوتل میں ڈال کر فریج میں رکھ دیں۔

لہسن کے رس کا استعمال

خالص لہسن کے رس کو براہ راست استعمال کیا جاسکتا ہے، آپ اسے دوسری سبزیوں یا پھلوں کے ساتھ بھی ملا سکتے ہیں۔ جبکہ لہسن کے رس کو تازہ لہسن کے متبادل کے طور پربھی استعمال کیا جاسکتا ہے۔ اپنی روٹی پر لگانے کے لیے لہسن کے رس کچھ مقدارکو دیگرجڑی بوٹیوں اور مصالحوں کے ساتھ ملائیں تاکہ اس کا ذائقہ بہتر محسوس ہو۔

لہسن کے رس کے فوائد

دمہ کے لیے مفید

دمہ کے دورے پر قابو پانے کے لیے ایک گلاس پانی میں لہسن کے رس کے چند قطرے اور ایک کھانے کا چمچ شہد ملا کر پینا اس دورے میں آرام کا باعث بنتا ہے۔

کولیسٹرول

لہسن کاصحت بخش رس پینے سے شریانوں کے سکڑنے، سخت ہونے اورخون کے گاڑھے ہونے کو کم کرنے میں مدد ملتی ہے اس طرح کولیسٹرول کی سطح کو توازن میں رکھ امراض قلب سے محفوظ رہا جاسکتا ہے۔

کھانسی اور گلے کی سوزش

لہسن کے رس کو نیم گرم پانی میں شامل کریں اب ایک گلاس انار کے رس میں اس کے چند قطرے ڈال کر اچھی طرح ملا کر استعمال کریں اس طرح  گلے کی خراش اور کھانسی ٹھیک ہوجائے گی۔

بالوں کی نشوونما

گنجے پن کا علاج ابھی تک دریافت نہیں کیا گیا ہے تاہم ایلوپیشیا کے مرض میں  لہسن کے رس کو متاثرہ جگہ پر لگائیں اور اسے خشک ہونے تک لگا رہنے دیں بہتر نتائج کے لیے اس عمل کو دن میں دو بار دہرائیں چند ہی دنوں میں فائدہ دکھائی دے گا۔

کیڑوں کے کاٹنے

کیڑے کاٹنے پراکثر متاثرہ جگہ سرخ ہجاتی ہے اس پر لہسن کے رس کی ہلکے سے مالش کریں، درد سے فوری نجات کے لیے یہ بہترین طریقہ ہے۔

ایکنی 

لہسن کھائیں ہا اس کا رس اپنے چہرے پر لگائیں اور 5 منٹ بعد پانی سے دھولیں، یہ ایکنی اورمہاسوں کو ٹھیک کرنے کا ایک موثر علاج ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں