پودوں پر مبنی غذا صحت کے لیے انتہائی مفید ہوتی ہیں کیونکہ ان میں ایسے صحت بخش اجزاء پائے جاتے ہیں جو آپ کی قوت مدافعت کو بڑھاکر کئی امراض سے تحفظ فراہم کرتے ہیں۔

صحت سے بھرپور ہونے کے باوجود لوگوں کی بڑی تعداد سبزیاں کھانے سے گریز کرتی ہیں تاہم حال ہی میں کی جانے والی ایک تحقیق میں سبزیاں کھانے میں ایک بڑی رکاوٹ کا انکشاف ہوا ہے جو بہت سے لوگوں کو گوشت اور جانوروں پر مبنی غذا کے بجائے دوسری کوئی اہم تبدیلی کرنے سے روکتا ہے۔

وہ کیا شے ہے جو لوگوں کو سبزیوں کو غذا میں شامل رکھنے سے روکتی ہے ایک تحقیق کی گئی جس میں 7,300 سے زیادہ شرکاء کو شامل کیا گیا تھا اورانہیں غذا کے انتخاب کے لیے ایک مخصوص وقت دیا گیا تھا۔

یہ تحقیق سوسائٹی فار رسک اینالیسس 2023 کی سالانہ کانفرنس میں پیش کی گئی جس میں کہا گیا کہ کسی بھی غذا کے انتخاب کرنے میں لیبلنگ کا اثر نمایاں ہوتا ہے اور اس تحقیق میں یہ اثر ان افراد کے لیے سب سے زیادہ واضح تھا جو سرخ گوشت کھاتے تھے۔

اس مطالعے میں شریک افراد کو پانچ تجرباتی صورتحال سے گزارا گیا، اس میں گوشت اور دودھ سے پاک غذائی ٹوکری پر سبزیوں، پودوں سے اخذ کردہ خوراک، صحت مند، ماحول دوست، صحت بخش یا ماحول دوست کے لیبل لگائے گئے تھے۔

اس تجربہ میں شامل تمام شرکاء نے گوشت اور ڈیری سے پاک اس ٹوکری کا انتخاب کیا جس پر صحت بخش یا ماحول دوست کا لیبل لگایا گیا تھا اور یہ تناسب ویگن غذا کی نسبت 44 فیصد تھا۔

محققین کا کہنا ہے کہ جانوروں پر مبنی خوراک کو مکمل طور پر ختم نہیں کیا جاسکتا ہے تاہم گوشت کھانے والے افراد کو پودوں پر مبنی خوراک پر بہتر لیبل لگا سبزیوں کی جانب راغب کیا جاسکتا ہے۔