سردموسم میں لوگوں کی اکثریت ایسے پکوان اور مشروبات کا استعمال کرتی ہیں جو انہیں موسمی بیماریوں سے بچانے کے ساتھ سردی لگنے کی کیفیت سے تحفظ فراہم کرتی ہے۔ اکثر لوگ صحت مند ہونے کے باوجود سردی کو برداشت نہیں کر پاتے تاہم کچھ گرم مشروبات کا استعمال اس میں کارگر ثابت ہوتا ہے۔

یہاں پر چند ایسی ہی 7 طرح کی چائے کا بارے میں بتایا جارہا ہے جو سردی لگنے کے احساس کو کم کر کے آپ اس موسم سے لطف اندوز میں مدد فراہم کرے گی۔

بلیک ٹی

یہ چائے اپنی اینٹی سوزش خصوصیات کی بنا پر سردی، کھانسی اور فلو سے بجانے میں معاون ثابت ہوتی ہے، جبکہ یہ دل کی صحت کو فروغ دے کر کئی طرح کے امراض قلب سے بچانے میں مدد فراہم کرتی ہے۔

چائے

یہ چائے کی عام اور سب سے زیادہ استعمال کی جانے والی قسم ہے یہ آپ کے ارتکاز بڑھانے کے ساتھ بہترین ذائقہ فراہم کرتی ہے، ساتھ ہی کی قوت مدافعت کا بڑھا کر جسم میں سوزش کو کم کر کے مختلف طرح کے درد سے نجات دلاتی ہے۔

ہربل ٹی

یہ اینٹی آکسیڈینٹ اور وٹامن سے بھر پور ہوتی ہے۔ اور معجزاتی طور پر تناؤ کو کم کرنے کی صلاحیت رکھتی ہے جبکہ یہ  قوت مدافعت کو بڑھانے والا بہترین مشروب ہے۔

گرین ٹی

یہ اپنی اینٹی آکسیڈینٹ خصوصیات کی بناپر  بالوں اور جلد کے مسائل حل کرنے میں اپنی مثال نہیں رکھتی ساتھ ہی یہ صحت مند خلیات کی پیداوار بڑھانے میں معاون ثابت ہوتی ہے۔

وائٹ ٹی

اپنی اینٹی بیکٹریل خصوصیات کی بناپر وائٹ ٹی کولیسٹرول اور خون میں چینی کی سطح کو توازن میں رکھتی ہے۔

ہنی لیمن ٹی

یہ چائے اپنے بہترین ذائقہ کے علاوہ گلے کے درد کو دور کر کے راحت فراہم کرتی ہے، ساتھ ہی یہ میٹابولزم کو بھی تیز کرنے میں مدد دیتی ہے۔

لیوینڈر ٹی

یہ چائے قوت مدافعت کو بڑھانے کے لیے حیرت انگیز ہے، یہ نظام تنفس کو فروغ دینے اور پرسکون نیند کی ضامن ہے۔