کیا آپ سردی کے موسم میں بلیک کافی پینے سے جسم میں ہونے والی تبدیلیوں کے بارے میں جانتے ہیں۔

آج ہم آپ کو سردی کے موسم میں بلیک کافی  پینےکے فائدوں کے بارے میں بتائیں گے۔

سردی کا موسم اور بلیک کافی

سردیوں میں بلیک کافی پینے سے اسٹریس کم ہوتا ہے اور کام کرنے میں دلچسپی بڑھتی  ہے۔

ایسی خصوصیات بلیک کافی میں پائی جاتی ہیں ،جو دل سے متعلق بیماریوں سے راحت دلانے میں کارگر ثابت ہوتی ہیں ، سردیوں میں دل کے لیے یہ اور بھی فائدہ مند ہوتی ہیں۔

ماہرین صحت کے مطابق ،بلیک کافی میں پایا جانے والا کیفین جگر سے جڑی بیماریوں سے راحت دلانے میں مفید ہے۔

ذیابطیس مریضوں کے لیے بغیر شوگر کے بلیک کافی پینا بہت فائدہ مند ہے۔

ڈاکٹروں کا کہنا ہے کہ اس میں پایا جانے والا اینٹی آکسیڈینٹ شوگر لیول کو کنٹرول کرتا ہے۔

یہ بھی پڑھیں: بلیک کافی کا زائد استعمال کن نقصانات کا باعث بن سکتا ہے؟

جن لوگوں کا وزن سردیوں میں بہت تیزی سے بڑھ رہا ہے ،ان کے لیے بلیک کافی پینا بہت فائدہ مند ہو سکتا ہے۔

اسے پینے سے بھوک کم لگتی ہے،جس سے وزن کنٹرول رہتا ہے۔

بلیک کافی پینے سے سستی دور ہوتی ہے اور جسم انرجیٹک رہتا ہے۔

اس کو پینے سے نیند بھی نہیں آتی ہے۔

خالی پیٹ چائے یا کافی کا استعمال نقصان دہ ہوتا ہے،اس لیے بلیک کافی خالی پیٹ کبھی نہیں پینی چاہیے۔

بلیک کافی کے نقصانات

 کیفین بلیک کافی کے اندر پائی جاتی ہے۔ ایسے میں اس کی زیادتی صحت کے لیے بہت سے نقصانات کا باعث بھی بن سکتی ہے۔

 بلیک کافی کے زیادہ استعمال سےمتلی اور قے کا مسئلہ بھی ہو سکتا ہے۔

 اس کا زیادہ استعمال بے خوابی یا نیند کی کمی کا مسئلہ پیدا کر سکتا ہے۔

 ۔ بلیک کافی کے استعمال سے بار بار پیشاب آسکتا ہے۔

اس میں کوئی شک نہیں کہ بلیک کافی کا استعمال صحت کے لیے بہت سے فائدے رکھتا ہے۔ لیکن اس کی زیادتی صحت کے لیے نقصان دہ بھی ہو سکتی ہے۔

ایسی صورتحال میں انسان کو اپنی خوراک میں محدود مقدار میں بلیک کافی کا استعمال کرنا چاہیے۔

اگر آپ کسی بیماری کا شکار ہیں تو پھر اپنے ڈاکٹر کے مشورے کے بغیر ہرگزاستعمال نہ کریں۔

اس کے علاوہ حاملہ خواتین کو بلیک کافی کو اپنی خوراک میں شامل کرنے سے پہلے ایک بار ماہرین کا مشورہ ضرور لینا چاہیے۔