کھانے پینے کی اشیاء کو تازہ اور استعمال کے قابل رکھنے کے لیے انہیں فریج میں رکھا جاتا ہے تاہم بہت ساری سبزیاں، پھل اور دیگر غذائیں فریج میں رکھنے کے باوجود خراب ہوجاتی ہیں تاہم اب ایک ایسی ڈیوائس تیار کی گئی ہے جو فریج میں رکھے جانے والے کھانوں کو طویل مدت تک تازہ رکھ سکتی ہے۔

شیلفی نامی اس اسمارٹ ڈیوائس کو فریج میں رکھا جاتا ہے جہاں یہ حیرت انگیز طریقے سے کام کرتی ہے۔ یہ فریج میں بو کا سبب بننے اور کھانوں کو خراب کرنے بیکٹیریا کو صاف کرکے اس میں رکھے ہوئے کھانوں کو طویل مدت تک تازہ رکھتی ہے۔ اس میں ایک چھوٹا اور کمپیکٹ پیوریفائر ہے جو آپ کے کھانے کو ریفریجریٹر میں کئی دن تک تازہ رکھتا ہے جبکہ اس کی قیمت انتہائی کم ہے۔

اس طرح آپ تیار پکوان، پھل اور سبزیوں کے خراب ہونے کی پریشانی سے بچ سکتے ہیں اور اس طرح اپنے پسے بچا سکتے ہیں کیونکہ شیلفی نامی اس ڈیوائس کے ساتھ آپ کا کھانا ان کی عام شیلف زندگی سے تین گنا زیادہ تازہ رہ سکتا ہے۔

جب شیلفی کو فریج میں رکھا گیا تو اس نے مصنوعات کی شیلف لائف بڑھانے، مرجھانے، نرم ہونے، داغ اور سڑنے کی ظاہری شکل کو بہتر حالت میں رکھنے میں انتہائی مؤثر پایا گیا۔

اس ڈیوائس کی آزمائش کو جانچنے کے لیے ایک اطالوی اور یورپی تکنیکی مرکز جس میں انجینئرز، طبیعیات دان، کیمسٹ اور مائیکرو بایولوجسٹ سمیت تقریباً 400 ماہرین کی ٹیم نے حصہ لیا جنہوں نے اس کے معیار، حفاظت اور پائیداری کا جائزہ لیا اور اسے کھانوں کو تازہ رکھنے حیرت انگیز طور پر بہتر پایا۔

واضح رہے کہ کھانے کا ضیاع اس وقت سب سے بڑا اور سب سے کم اندازہ کیا جانے والا مسئلہ ہے کیونکہ گلے سڑے پھل، سبزیاں اور خراب کھانے گرین ہاؤس گیسوں کے اخراج کا سبب بنتے ہیں، اس طرح ان کے انتظام کے نظام پر بھی بوجھ پڑتا ہے، خوراک کی عدم تحفظ اسے موسمیاتی تبدیلی، حیاتیاتی تنوع کے نقصان اور آلودگی کا سبب بنتا ہے۔

مطالعات سے پتہ چلتا ہے کہ ہر 2 میں سے 1 ریفریجریٹر میں کھانے کو خراب کرنے والے بیکٹیریا موجود ہوتے ہیں اس طرح یہ آلودگی اور آپ کی صحت کے لیے ممکنہ خطرات کا سبب بن سکتے ہیں۔

تاہم شیلفی ایک اسمارٹ پیوریفائر ہے جو بدبو، بیکٹیریا کو ختم کرتا ہے اور آپ کے کھانے کی شیلف لائف کو بڑھاتا ہے۔ اس کی فوٹوکاٹیلیٹک ٹیکنالوجی کی بدولت آپ اپنے ریفریجریٹر کے پچھلے حصے میں بدبو اور خراب سبزیوں کو الوداع کہہ سکتے ہیں۔

شیلفی کھانے کے ضیاع کا ایک بہترین حل ہے کیونکہ یہ آپ کا کھانا فریج میں زیادہ دیر تک تازہ رکھے گا اور پیسے بچائے گا۔

شیلفی ایک جدید اور پائیدار نینو میٹریل پر مبنی فوٹوکاٹیلیٹک ٹیکنالوجی کا استعمال کرتی ہے جسے آسانی سے استعمال کیا جاسکتا ہے اس کا یک بٹن آن کر کے فریج میں کسی بھی جگہ پر رکھا جاسکتا ہے، فوٹو کیٹالیسز ایک محفوظ کیمیائی عمل ہے جو فضائی آلودگیوں کو جذب کرتا ہے اور انہیں بے ضرر عناصر میں بدل دیتا ہے ۔

شیلفی مکینیکل وینٹیلیشن کے ذریعے ریفریجریٹر کے اندر کی ہوا کو فوٹوکاٹیلیٹک فلٹر کی طرف لے جاتی ہے، جہاں آلودگی ختم ہو جاتی ہے۔

لیبارٹری ٹیسٹ کے مطابق شیلفی والے ریفریجریٹر میں، بیکٹیریل اور فنگل آلودگی ایک عام ریفریجریٹر میں رکھی گئی مصنوعات کے مقابلے میں تقریباً 10 گنا کم ہوتی ہے۔ اور بدبو کی کمی 80 فیصد سے زیادہ ہے۔

شیلفی ایک اسمارٹ پروڈکٹ ہے اس میں 3 آپریٹنگ موڈز  ایکو، سٹینڈرڈ، یا بوسٹ ہے جسے آپ اپنے ریفریجریٹر میں تازہ کھانے کی مقدار یا اس کے سائز کے مطابق انتخاب کر سکتے ہیں۔

اس میں ایک ایسا سینسر موجود ہے جو دروازہ کھولنے کی نگرانی میں مدد  کرتا ہے اور آپ ایک ایپ کے ذریعے جان سکتے ہیں کہ آپ نے کتنی بار فریج کھولا اور توانائی کی کھپت کو کم کرنے، پیسے بچانے اور اپنے کھانے کے معیار کو محفوظ رکھنے کے بارے میں اسمارٹ ٹپس حاصل کر سکتے ہیں۔

شیلفی کو کھول کر دھویا بھی جاسکتا ہے جبکہ USB-C پلگ کی بدولت آپ اسے جہاں چاہیں چارج کر سکتے ہیں۔