سردی کے آتے ہی کمبل اور رضائی کے استعمال میں بھی اضافہ ہو جاتا ہے لیکن ٹھنڈا موسم مختصر ٹائم کے لئے آتا ہے، جس کی وجہ سے کمبل اور رضائیاں بند الماریوں یا صندوقوں میں ہی پڑی رہتی ہیں۔

سردی کے موسم میں جب انہیں سال میں ایک بار نکالا جا تا ہے تو ان سے اکثر بو آتی ہے جسے دور کرنا بے حد ضروری ہے۔

آج ہم آپ کو بتائیں گے کیسے آپ ایک آسان سے طریقے کی مدد سے کمبل یا رضائی میں آنے والی بدبو کو دور کرسکتے ہیں۔

کمبل یا رضائی میں آنے والی بُو کو دور کرنے کا طریقہ:

۔ ایک اسپرے بوتل میں آدھا گلاس سرکہ اور آدھا گلاس پانی لیں۔

۔ اب اس میں 4 سے 5 چمچ ہیئر کنڈشنر شامل کریں۔

۔  اس مکسچر کو اچھے سے ہلا کر استعمال کریں۔

استعمال کرنے کا طریقہ:

۔ سب سے پہلے کمبل یا رضائی کو صاف فرش پر بچھادیں۔

۔ اب اسپرے بوتل کی مدد سے اس مکسچر کا کمبل پر چھڑکاؤ کریں۔

۔ چھڑکاؤ کرنے کے ساتھ ساتھ مضبوط ہاتھوں سے ایک نرم کپڑے کی مدد سے صاف کرتے جائیں۔

 ۔ جب اچھی طرح صاف ہوجائے تو اسے ایک دن کے لئے دھوپ میں چھوڑدیں۔

۔ ساتھ ہی ہر دو سے تین گھنٹے بعد کمبل کو الٹ پلٹ کریں تا کہ دھوپ اچھے سے ہر جگہ لگے۔

۔ اب اس کمبل یا رضائی کو استعمال کریں اس میں ذرا بھی بدبو نہیں آئے گی اور جراثیم بھی صاف مرجائیں گے۔