ایپل اپنے فون میں مصنوعی ذہانت جیٹ باکس شامل کرنے کا خواہشمند

ویب ڈیسک

20th Mar, 2024. 11:16 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایپل اپنے فون میں مصنوعی ذہانت جیٹ باکس شامل کرنے کا خواہشمند

ایپل کمپنی نے آئی فون کے اگلے ماڈلز میں گوگل جیمینائی (سابقہ بارڈ) یا پھر چیٹ جی پی ٹی کو شامل کرنے پر گہری دلچسپی کا اظہار کیا ہے۔

بلومبرگ اور دیگر اخباری اداروں نے خبر دی ہے کہ اس ضمن میں ایپل کمپنی کی جانب سے مجاز اداروں سے سنجیدہ مذاکرات جاری ہیں۔ اس سے قبل ایپل کے سربراہ ٹِم کُک بتاچکے ہیں کہ ان کی کمپنی ‘ اے آئی ٹیکنالوجی پر بہت سرمایہ اور وقت صرف کررہی ہے۔’ اور اس ضمن میں ایک باقاعدہ پراڈکٹ اس سال ریلیز کی جائے گی۔

لیکن ایپل نے دیگر اداروں کو بھی اس میں شامل ہونے کی دعوت دی ہے۔ تجزیہ کاروں کے مطابق ایپل اسے ٹیکسٹ سےتصاویر، سرچ اور ویڈیو کے لیے استعمال کرے گا۔ اس طرح شاید وہ مزید صارفین کو اپنی جانب راغب کرسکے گا۔

اگر ایپل اور گوگل کا معاہدہ ہوجاتا ہے تو ایپل پہلی کمپنی ہوگی جو سرچ انجن کی سب سے بڑی کمپنی گوگل سے اشتراک کرے گی اور یوں اختراعات کا سفر تیزی سے آگے بڑھ سکے گا۔

لیکن یاد رہے کہ اس ضمن میں گوگل پہلے ہی اپنے اسمارٹ فون گوگل پکسل 8 میں اے آئی کے کئی فیچر شامل کرچکا ہے جن میں خود جیمینائی بھی شامل ہے۔

لیکن گوگل اگر ایپل سے اشتراک کرتا ہے تو اس کے اے آئی فیچر مزید دو ارب صارفین تک پہنچ سکیں گے۔