164 عالمی ریکارڈ قائم کرنے والے شخص نے ایک اور اعزاز اپنے نام کر لیا

ویب ڈیسک

22nd Mar, 2024. 04:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

164 عالمی ریکارڈ قائم کرنے والے شخص نے ایک اور اعزاز اپنے نام کر لیا

امریکا کے اسٹیٹ آئیڈا ہو سے تعلق رکھنے والے ڈیوڈ رش کو کون نہیں جانتا وہ اب تک کے سب سے زیادہ گنیز ورلڈ ریکارڈز ٹائٹل جیتنے والوں میں سے ایک ہیں۔اور ان کے ریکارڈ کو اب تک 150 ملین سے زیادہ بار دیکھا اور سنا جا چکا ہے۔

واضح رہے کہ ڈیوڈ رش نے بوئس اسٹیٹ سے ایم بی اے کیا ہے جبکہ الیکٹریکل انجینئرنگ کی ڈگری ایم آئی ٹی سے حاصل کی ہے۔ وہ سب سے زیادہ عالمی ریکارڈ بنانے کا اعزاز اپنے نام کرنا چاہتے ہیں یہی وجہ کہ وہ آئے دن نت طریقوں سے مختف ریکارڈ اپنے نام کرتے رہتے ہیں۔

تاہم اس بار جو عالمی اعزاز انہوں نے اپنے نام کیا وہ اپنا ہی سابقہ ریکارڈ توڑ کر بنایا ہے۔ ڈیوڈ رش نے محض 15.03 سیکنڈ میں 10 ٹی شرٹس پہن کر کم وقت میں سب زیادہ ٹی شرٹ پہننے کا عالمی اعزاز اپنے نام کر لیا ہے، جبکہ انہوں نے 2020 میں انہوں نے سوشل میڈیا پر ہفتہ وار GWRchallenge کے لیے یہی ریکارڈ 15.61 سیکنڈ میں انجام دیا تھا۔

ڈیوڈ رش، اب تک 250 سے زیادہ گنیز ورلڈ ریکارڈز توڑچکے ہیں۔ رش اس وقت سب سے زیادہ گنیز ورلڈ ریکارڈز کے ٹائٹل اپنے نام کرنے کے ہدف کا تعاقب کر رہیں ہیں۔ برطانیہ سے تعلق رکھنے والے سلویو صبا اس وقت 182 ٹائٹلز کے ساتھ سرفہرست ہیں، جبکہ رش کل 164 کے ساتھ دوسرے نمبر پر ہیں۔