برفیلے انٹارکٹیکا پر واقع پینگوئن ڈاکخانے کے لیے اسامیوں کا اعلان کردیا گیا

ویب ڈیسک

20th Mar, 2024. 03:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برفیلے انٹارکٹیکا پر واقع پینگوئن ڈاکخانے کے لیے اسامیوں کا اعلان کردیا گیا

انسانی پہنچ سے دور برفیلے براعظم انٹارکٹیکا پر واقع پینگوئن پوسٹ آفس نے خالی اسامیوں کا اعلان کردیا ہے تاہم یہ ملازمتیں صرف برطانوی باشندوں کے لیے مخصوص ہے۔

شرائط میں لکھا ہے کہ خود سے پرجوش، رحمدل اور محنتی افراد کی ضرورت ہے اور ایسے افراد زیادہ مناسب ہوں گے جو دو ہفتے میں ایک مرتبہ ہی نہانا پسند کرتے ہیں۔

یہ ایک ڈاکخانہ اور دکان ہے جو براعظم کے انتہائی جنوب میں پورٹ لوکروئے میں واقع ہے۔ یہاں بڑی تعداد میں پینگوئن آتے ہیں اور یہی وجہ ہے کہ یہاں ان پرندوں کے فضلے کی بو بھی آتی رہتی ہے۔

انٹارکٹیکا ورثہ ٹرسٹ نے اس سال تین ملازمتوں کا اعلان کیا ہے۔ اس مقام پر سالانہ 80 ہزار پوسٹ کارڈ، خط اور پارسل آتے ہیں۔ اس کے علاوہ سالانہ 18000 سیاح یہاں سفر کے دوران رکتے ہیں۔ ان میں اکثریت کروز شپ مسافروں کی ہوتی ہے۔

اگرچہ یہ جگہ رہائش کے لیے مشکل ہے لیکن یہاں کا سکون، دلفریب مناظر اور جنگلی حیات کو دیکھنے کسی بھی طرح ایک شاندار تجربے سے کم نہیں۔

اس کے علاوہ ملازمین کو ڈاک کی چھٹائی، ٹکٹ لگانے، اور دیگر امور میں ماہر ہونا چاہیے ۔اس کے علاوہ گفٹ شاپ کا تجربہ بھی ضروری ہے۔

اس کے علاوہ ہر ہفتے یہاں رہنے والے پینگوئن کی شماری بھی کرنا ہوگی ۔