یہ چونکا دینے والی خبر ہندوستان سے آئی ہے جہاں ریاست ہریانہ سے تعلق رکھنے والی ایک 9 سالہ بچی نے  165 پاؤنڈ (75 کلوگرام) اٹھانے کے بعد فیمیل ہرکیولس کا خطاب اپنے نام کر لیا ہے۔

9 برس کی ارشیا گوسوامی نے چند سال قبل اس منفرد کھیل کی جانب اپنی توجہ مبذول کی اور اس نے 45 کلوگرام کا ویٹ اٹھاکر ہندوستان کی سب سے کم عمر ڈیڈ لفٹر ہونے قومی ریکارڈ قائم کیا تھا۔ اس کے بعد سے ارشیا نے اس کھیل کی تربیت جاری رکھی اور حال ہی میں اس نے 75 کلو گرام ڈیڈ لفٹنگ کر کے ایک نیا رکارڈ قائم کیاہے۔

واضح رہے کہ اس بار ارشیا نے اپنے جسمانی وزن سے دو گنا وزن اٹھاکر سب کو حیران کردیا ہے جبکہ وزن اٹھاتے ہوئے اس کی ویڈیو سوشل میڈیا پر خوب وائرل ہورہی ہے تاہم سوشل میڈیا صارفین کی جانب سے دلچسپ تبصروں کا سلسل جاری ہے جس میں زیادہ تر رائے مثبت ہے تاہم کچھ صارفین نے اس چھوٹی سی عمر میں اتنا وزن اٹھانے کو صحت کے لیے مضر قرار دیا ہے۔

ایک انسٹاگرام صارف نے لکھا کہ ’وہ 9 سال کی ہو سکتی ہیں لیکن اس کی جسمانی ساخت 78 سال کی ہے۔

ایک صارف کا کہنا تھا کہ یہ اتنی کم عمری میں اتنا زیادہ وزن اٹھانا درست نہیں ہے کیونکہ  اس کی ریڑھ کی ہڈی اس طرح کے دباؤ کو برداشت کرنے کے لیے تیار نہیں ہے۔

 9 برس کی ارشیا ڈیڈ لفٹنگ کے بارے میں کافی پرجوش ہے، اور وہ اس میں غیر معمولی صلاحیت رکھتی ہے۔ جبکہ گزشتہ برس انہوں نے  132پاؤنڈ ڈیڈ لفٹنگ کرتے ہوئے اپنی ہم عمر بچیوں کو ہرا کر ایشیائی ریکارڈ قائم کیاتھا۔

ارشیا گوسوامی، بھارت کی ’سب سے کم عمر ڈیڈ لفٹر‘ کا اعزاز اپنے نام کرنے میں کامیاب ہوچکی ہیں اور وہ اس میں مزید ریکارڈ قائم کرنے کی خواہش مند ہیں جبکہ ان کی عمر ابھی صرف 9 برس ہے ۔