بہت جانوروں میں کچھ منفرد خصوصیات پائی جاتی ہیں جو انہیں دوسروں سے الگ اور نمایاں بناتی ہیں ایسی ہی ایک خصوصیت جنوبی کیرولینا کے سویٹی نامی اس گھوڑے میں موجود ہے۔

ریسا فارمیسانو کا تعلق امریکا کی ریاست جنوبی کیرولینا سے ہے جس کے پاس ایک چھوٹے قد کا گھوڑا ہے سویٹی نامی اس گھوڑے کی سب سے خاص بات اس دم ہے جو عام گھوڑے کی نسبت بہت زیادہ طویل ہے اس طرح اس گھوڑے نے دنیا میں چھوٹے قد کے گھوڑوں میں سب سے لمبی دم ہونے کا عالمی اعزاز حاصل کرلیا۔ اس گھوڑے کی دم کی لمبائی 5 فٹ 11.26 انچ ہے۔

https://www.youtube.com/shorts/53VftSfc_E8

سویٹی نامی یہ گھوڑا 3 فٹ، 1 انچ لمبا ہے اور اس کی عمر 36 سال ہے۔ اس کے مالک، ریسا فارمیسانو نے گنیز ورلڈ ریکارڈ کو بتایا کہ وہ سویٹی کی دم کو زمین پر لگنے سے بچانے کے لیے لپیٹ دیتی ہیں جبکہ وہ سال میں دو بار اس دم کو دھوتی اور کنڈیشن بھی کرتی ہیں۔

فارمیسانو نے یہ بھی بتایا وہ گھوڑوں کو پالنے کا شوق رکھتی ہیں اور انہوں نے ایک گھوڑے کی موت کے بعد دو گھوڑوں کا ساتھ دینے کے لیے 2012 میں سویٹی کو گھر لے آئیں تھی۔ واضح رہے کہ یہ دم ابتدا میں اتنی بڑی نہیں تھی تاہم وقت گزرنے کے ساتھ اس کی لمبائی میں غیر معمولی اضافہ ہوتا گیا ۔