یہ بات تو سب ہی جانتے ہیں کہ کوئی بھی جسمانی سرگرمی دائمی امراض کے خطرے کو کم کر سکتی ہے، آپ کا موڈ بہتر بنا سکتی ہے، اور وزن کم کرنے میں مددگار ثابت ہو سکتی ہے، بشرطیکہ کہ اسے باقاعدگی سے کیا جائے، یہاں باقاعدگی سے مراد ہفتے میں دو یا تین بارکرنا ہے۔

دل کی ورزشیں جسے کارڈک ایکسرسائزکہا جاتا ہے جن میں ٹریڈ پر دوڑنا بھی شامل ہے، فٹنس کے پروگراموں میں خاص اہمیت رکھتی ہیں، کیونکہ یہ تیز رفتار ورزشیں چربی کو کم کرنے میں اہم کردارادا کرتی ہیں۔

تاہم اگرآپ کے پاس ٹریڈ مل نہیں ہے اور نہ ہی اتنا وقت ہے کہ جم جاکر کارڈک ایکسرسائزکر سکیں تو یہاں ٹریڈ مل کی متبادل بہترین ورزشیں بتائی جارہی ہیں جو افادیت میں کسی ٹریڈ مل سے کم نہیں ہے۔

برپیز

برپیز ایک ایسی وزش ہے جس میں جسمانی اور ذہنی طاقت کو جانچا جاتا ہے، یہ ورزش قدرے مشکل ہے کیونکہ اس میں  کھڑے ہوکرپھر پش اپ کی طرح کی پوزیشن اختیارکی جاتی ہے،  اسے دن میں کسی بھی وقت کیا جاسکتا ہے یہ حرکات اتنی شدید ہوتی ہیں کہ آپ چند منٹوں میں چربی کو کم کر سکتے ہیں۔

باکسنگ

کیا آپ نے کبھی اپنے دن کا آغاز اس طرح کیا ہے جس میں آپ کسی کو مکہ مارنا چاہ رہیں ہوں، تو پھر آپ باکسنگ کو آزما سکتے ہیں۔ یہ ورزش ایک طویل دن کے تناؤ کو کم کرنے میں مدد دیتی ہے جبکہ اس کے ساتھ ہی آپ کا پورا جسم ورزش کرتا ہے۔

جمپ روپ

بچپن میں کھیلا جانے والا سب سے عام کھیل جسے رسی کودنا کہا جاتاہے، اسے پھر سے آزمائیں، اوپر نیچے کودنے سے دل کی دھڑکن تیز ہوتی ہے، کیلوریز ختم ، ہڈیاں مضبوط اور قوت برداشت میں اضافہ ہوتا ہے۔

میڈیٹیشن اور پاور یوگا کریں

 اگر آپ سوچتے ہیں کہ یوگا کے مختلف پوزکو چند منٹوں تک کرنے سے وزن کم کرنے میں کوئی مدد نہیں ملتی تو آپ غلط ہیں۔ یوگا آپ کو ذہن پرسکون رکھنے اور جسم میں کیلوریز کم کرنے میں مدد دیتا ہے۔

جم میں دوسرے آلات کو آزمائیں

 اگر ٹریڈمل پر لمبی لائن ہے تو اس کا استعمال کا ارادہ ترک کر دیں اور دوسرے جم کے آلات استعمال کریں۔ جن میں بیٹل رسی، ایلیپٹیکل، ایجیلیٹی سیڑھیاں، اورسا کلائمبر، ٹی آر ایکس، اور کیٹیل بیلز شامل ہیں۔

سیڑھیاں چڑھیں اور اتریں

 اگر آپ کو دوڑنا مشکل لگتا ہے تو سیڑھیاں چڑھیں اور اتریں یہ سرگرمی بے حد افادیت رکھتی ہے۔

سائیکل چلائیں

  اگرآپ کے پاس ایک سائیکل ہے،  تو بس سائیکل چلائیں اور کارڈیو ورزش کریں۔

کوئی نیا کھیل آزمائیں

 کارڈیو ورزش اور کھیل کو ملا لیں، والی بال، بیڈمنٹن، ٹینس، یا کوئی بھی کھیل کھیل سکتے ہیں یہ نہ صرف آپ کے وزن کو کم کرنے میں مدد دے گا بلکہ آپ کو نئے لوگوں سے ملنے کا موقع بھی فراہم کرے گا۔