دہی ایک خمیر شدہ غذا ہے جس میں پرو بایوٹکس ہوتے ہیں یہ معدے سمیت آپ کی مجموعی صحت کو بہتر بنانے میں مدد فراہم کرتے ہیں، تاہم دہی میں ایک چمچ شہد ملا کر استعمال کیا جائے تو اس طرح دہی میں موجود پرو بایوٹکس معدے میں دیر تک زندہ رہتے ہیں، یہ بات حال ہی میں کی جانے والی نئی تحقیق میں سامنے آئی ہے۔

یہ بات سب ہی جانتے ہیں کہ پرو بایوٹکس کے استعمال سے مزاج اور معدے کی صحت پر مثبت پڑتا ہے۔ چونکہ شہد عام طور پر دہی میں ملایا جاتا ہے، جو کہ پرو بایوٹکس کا ذریعہ ہے۔

 یونیورسٹی آف الینوائے اربانا شیمپین کے محققین نے حالیہ تحقیق میں یہ جانچنے کی کوشش کی کہ دہی میں شہد ملانے سے معدے کی مائیکروبیوم پر کیا اثر ہوتا ہے۔

محققین کے مطابق منہ، معدے، اور آنتوں میں موجود انزائم غذا کو ہضم کرنے میں مدد دیتے ہیں اور غذائی اجزاء کے جذب کو آسان بناتے ہیں، لیکن اس طرح وہ مائیکروبز کی زندگیت کو بھی کم کر دیتے ہیں، یہ بات بیماری پیدا کرنے والے جراثیم کے لئے تو اچھی ہے لیکن مفید بیکٹیریا کے لیے نہیں، تاہم شہد پرو بایوٹک بیکٹیریا کی معدے میں زندگی کو بڑھانے میں مددگار ثابت ہو سکتے ہیں۔

محققین نے دہی میں  چینی ملاکر جب معدے پر اس کا اثر دیکھا توآنتوں کے پرو بایوٹکس پر کوئی اثر نہیں ہواتاہم جب دہی میں شہد ملا کر استعمال کیا تو اس نے آنتوں میں پرو بایوٹکس کی زندگی بڑھانے میں مدد کی۔