جلد کی خوبصورتی کے لئے خواتین کی بڑی تعداد مختلف قدرتی اجزاء کا استعمال کرتی ہیں، ان ہی میں پھلوں کے چھلکے بھی شامل ہیں، جو اپنی بے پناہ خصوصیات کی بنا پر جلد کو صحت مند رکھنے میں مددگار ثابت ہوتے ہیں۔

 حال ہی میں کی جانے والی ایک تحقیق سے بات سامنے آئی ہے، کہ کئی پھلوں کے چھلکے مختلف وٹامنز، اینٹی آکسیڈنٹس اور دیگر مفید مرکبات سے بھرپور ہوتے ہیں جو جلد کو صحت مند رکھنے اور جواں بنانے میں مفید ثابت ہوتے ہیں۔ یہاں پر ایسے ہی پھلوں کے چھلکوں کا ذکر کیا جارہا ہے جو جلد کے لئے بہترین ہیں۔

کیلا

چھلکے کی خصوصیات:

کیلے کا چھلکا وٹامن بی سکس، وٹامن سی، اور پوٹاشیم سے بھرپور ہوتا ہے، جو جلد کی نمی کو برقرار رکھنے کے ساتھ صحت میں بھی اضافہ کرتا ہے۔

استعمال کا طریقہ:

کیلے کے چھلکے کو جلد پر رگڑیں یا اس کا پیسٹ بنا کر چہرے پر لگائیں۔ 15 سے 20 منٹ بعد چہرہ دھولیں۔

سیب

چھلکے کی خصوصیات:

سیب کے چھلکے میں ایپکٹین اور اینٹی آکسیڈنٹس ہوتے ہیں، جو جلد کو جوان رکھنے میں مدد کرتے ہیں۔

استعمال کا طریقہ:

سیب کے چھلکے کو پیس کر اس کا ماسک تیار کریں اور چہرے پر لگائیں۔ 20 منٹ بعد ٹھنڈے پانی سے دھو لیں۔

نارنگی

چھلکے کی خصوصیات:

نارنگی کے چھلکے میں وٹامن سی اور اینٹی آکسیڈنٹس موجود ہوتے ہیں، جو جلد کی چمک کو بڑھانے میں مددگار ہیں۔

استعمال کا طریقہ:

نارنگی کے چھلکے کو دھو پ میں خشک کر کے انہیں پیس کر رکھ لیں، اب اسے خشک جلد کے لیے دودھ اور چکنی جلد کے عرق گلاب میں ملاکر چہرے پر لگائیں، 15 منٹ بعد دھو لیں۔

پپیتا

چھلکے کی خصوصیات:

پپیتے کا چھلکا انزائم اور وٹامنز سے بھرپور ہوتا ہے، جو جلد کی کھردری سطح کو ہٹانے میں مدد کرتا ہے۔

استعمال کا طریقہ:

پپیتے کے چھلکے کو اچھی طرح پیس کر ماسک بنائیں اور چہرے پر لگائیں۔ 20 منٹ بعد دھو لیں۔

انگور

چھلکے کی خصوصیات:

انگور کے چھلکے میں ریسیوریٹرول موجود ہوتا ہے، جو جلد کی عمر بڑھنے کی علامات کو کم کرتا ہے۔

استعمال کا طریقہ:

 انگور کے چھلکے کا پیسٹ بنائیں اور جلد پر لگائیں۔ 15 سے 20 منٹ بعد دھو لیں۔

پھلوں کے چھلکے جلد کی بیماریوں جیسے کہ ایکنی اور جھائیاں کم کرنے میں بھی مددگار ثابت ہوتے ہیں۔ یونیورسٹی آف کیلیفورنیا کے محققین کے مطابق، پھلوں کے چھلکے میں موجود قدرتی اجزاء جلد کے مسائل کو کم کرنے میں کافی مؤثر ہیں۔