انسان ہمیشہ سے خوب سے خوب تر جستجو میں لگا رہتا ہے، اور چاہتا ہے کہ وہ ایک ایسا منفرد کام سر انجام دے جو اس کی الگ پہچان بن جائے، ایسی ہی سوچ بھارت سے تعلق رکھنے والے طالب علم کی تھی۔

  بھارت میں کالج ایک طالب علم نے ایک ایسے بال پوائنٹ جسے ری فل کیا جاسکتا ہے، کو دنیا کے سب سے چھوٹے ویکیوم کلینر میں تبدیل کر کے گنیز ورلڈ ریکارڈ توڑ دیا۔

23 سالہ تپالا ندامونی نے تقریباً 238 ڈالر خرچ کر کے اپنے پین کو .25 انچ کے مختصر ترین محور کے ساتھ ویکیوم کلینر میں تبدیل کر دیا۔

تپالا ندامونی کا کہنا ہے کہ یہ چھوٹا سا ویکیوم ایک چھوٹے گھومنے والے پنکھے کی مدد سے سکشن پیدا کرتا ہے، جو کہ 4 وولٹ کے وائبریشن موٹر سے چلتا ہے، اور یہ گرد کے ذرات کو اٹھاتا ہے جنہیں بعد میں خالی کیا جا سکتا ہے۔

واضح رہے کہ ندامونی اس سے پہلے بھی 2020 میں یہی ریکارڈ اپنے نام کر چکے ہیں اس وقت انہوں نے .69انچ کا ویکیوم کلینربنایا تھا، تاہم انہوں نے اس باراس بھی چھوٹا آلا تیارکرکے اپنا سابقہ  ریکارڈ توڑ دیا، جبکہ ان کا پرانا ویکیوم کلینر ان کی نئی تخلیق سے صرف .07 انچ بڑا تھا۔

ندامونی نے گنیز ورلڈ ریکارڈ کو بتایا کہ ہمارے کالج کے تمام طلبہ اس چھوٹے ویکیوم کلینرکو دیکھ کرحیران تھے، اور میری فیکلٹی نے کہا کہ یہ سب سے خوبصورت تخلیق ہے جو انہوں نے ابھی تک دیکھی ہے۔