والدین میں خصوصاً والد اپنی بیٹوں کے لیے زیادہ محتاط رویہ رکھتے ہیں اور وہ گھر سے باہر ان کی حفاظت کے لیے اکثر خود ساتھ جاتے ہیں تاہم پاکستان سے تعلق رکھنے والے ایک والد نے بیٹی کی گھر سے باہر اس حفاظت اور نگرانی کے لیے ایک  انوکھا طریقہ ڈھونڈ نکالا۔

ایک پاکستانی والد نے اپنی بیٹی کی سلامتی کے خدشات کے پیش نظر،  بیٹی کے سر پر ایک کیمرا لگا دیا تاکہ وہ اس کے ذریعے اس کی نگرانی کر سکے۔

اس حوالے سے کراچی سے تعلق رکھنے والے والد کا کہنا ہے کہ “میں اپنی بیٹی کی حفاظت کے لیے کچھ بھی کرنے کو تیار ہوں۔ اور  اس نے اس یہ قدم اٹھانے کی وجہ یہ بیان کی کہ دنیا میں بیٹیوں کی سلامتی خطرے میں ہے۔

 بیٹی کی کیمرے کے ذریعے حفاظت کیے جانے کی ویڈیو سوشل میڈیا پر وائرل ہوگئی، ویڈیو میں، جس کا عنوان “نیکسٹ لیول سیکیورٹی” ہے، ایک خاتون برکہ پہنے ہوئے انٹرویو دے رہی ہیں، جب اس سے اس عجیب و غریب آلہ کے بارے میں پوچھا گیا تو انہوں نے بتایا کہ یہ خیال ان کے والد کا ہے، میرے والد میری سلامتی کے بارے میں فکر مند ہیں، اس لیے مجھے اس پر کوئی اعتراض نہیں۔

ویڈیو کے وائرل ہونے کے بعد صارفین کی مختلف آراء سامنے آرہی ہیں جس میں کچھ لوگ اس اقدام کی حمایت کر رہے ہیں، جبکہ دیگر افراد اسے پرائیویسی کی خلاف ورزی قرار دے رہے ہیں۔

یہ واضح نہیں ہے کہ نگرانی کی غرض سے لیا گیا کیمرا کس طرح چلتا ہے یا اس کے والد تک کس طرح رسائی حاصل ہوتی ہے، مگر سوشل میڈیا پر بہت سے لوگوں نے اس بات کی نشاندہی کی کہ اگر کوئی خاتون پر پیچھے سے حملہ کرے تو یہ کیمرا بہت زیادہ مددگار ثابت نہیں ہوگا۔ شاید اس کے خاندان کا ماننا ہے کہ سیکیورٹی کیمرے کی موجودگی ہی کسی بھی بد نیت شخص کو خوفزدہ کر دے گی۔