ٹیکنالوجی کے اس دور میں کئی امراض یا کیفیات میں مختلف ڈوائسز سے مدد لی جارہی ہے اسی میں موشن سکنیس بھی شامل ہیں۔

ایپل نے اپنے نئے آئی او ایس 18 میں ایک نیا وہیکل موشن کیوز نامی فیچر متعارف کرایا ہے جو دوران سفر متلی کو کم کرنے کے لیے بنایاگیا ہے۔ یہ فیچر دوران سفر متحرک نقطے استعمال کرتا ہے جو گاڑی کی حرکت کی نقل کرتے ہیں۔

 واضح رہے کہ موشن سکنیس ایک ایسا مرض ہے جس میں دوارن سفر الٹیاں ہونے لگتی ہیں یہی وجہ ہے کہ ایسے افراد سفر نہیں کر پاتے اور الٹیوں کی وجہ سے پریشان رہتے ہیں، تاہم اب ایپل نے اپنی نئی ڈیوائس میں اس کا حل تلاش کر لیا ہے۔

اس خصوصیت کا مقصد بصری اشاروں کو iPhone کے سینسرز کی حرکت کے ساتھ ہم آہنگ کرکے حسی تضاد کو کم کرنا ہے، کچھ آن لائن صارفین کا کہنا ہے کہ اس خصوصیت نے ان کی متلی میں واقعی مدد کی ہے۔

تقریباً دنیا بھر میں ایک تہائی لوگ دوران سفر متلی کے لیے حساس ہوتے ہیں، اور تازہ ترین آئی او ایس اپ ڈیٹ میں ایسی خصوصیت شامل کی گئی ہیں جو ان کی مدد کر سکتی ہے۔

وہیکل موشن کیوز آئی فون یا آئی پیڈ کو چلتی گاڑی میں استعمال کرتے وقت متلی کو کم کرنے کے لیے ڈیزائن کی گئی ہے۔ یہ خصوصیت اسکرین کے کناروں پر متحرک نقطوں کا استعمال کرتی ہے اور بنا کسی مداخلت کے گاڑی کی حرکت کی نمائندگی کرتی ہیں۔

اس خصوصیت کا استعمال کرتے ہوئے، جب صارف چلتی گاڑی میں ہوتا ہے تو یہ نقطے گاڑی کی حرکت کے ساتھ ہم آہنگ ہو جاتے ہیں۔ مثلاً، جب گاڑی دائیں مڑتی ہے تو نقطے بائیں منتقل ہوتے ہیں یا جب گاڑی تیز ہوتی ہے تو نقطے نیچے جاتے ہیں۔

یہ خصوصیت خود بخود حرکت میں آنے پر فعال ہو سکتی ہے یا کنٹرول سینٹر میں آن اور آف کی جا سکتی ہے۔ یہ واضح نہیں ہے کہ آیا یہ صرف اسکرین کے استعمال کے دوران متلی کو روکتی ہے یا جب آپ پہلے سے بیمار ہیں تو بھی مدد کرتی ہے۔

کچھ Reddit صارفین کا کہنا ہے کہ اس خصوصیت نے انہیں سفر کے دوران پڑھنے یا اپنے فون کا استعمال کرنے کی اجازت دیتی ہے۔

وہیکل موشن کیوز واقعی متلی کو کم کر سکتی ہے؟

متلی کو روکنے کے لیے ابھی تک کوئی طریقہ موجود نہیں ہے، تاہم ماہرین  کا کہنا ہے کہ یہ نئی خصوصیت نظریاتی طور پر مدد کر سکتی ہے۔جب آپ ایک گاڑی میں حرکت کرتے ہیں، تو آپ کا اندرونی کان یہ محسوس کرتا ہے کہ آپ چل رہے ہیں، لیکن آپ کی آنکھیں مختلف چیزیں دیکھ رہی ہیں۔ معلومات کا یہ تضاد ہی متلی کا باعث بنتا ہے۔

متلی کو روکنے کے دیگر طریقے

اگر آپ کے پاس آئی فون نہیں ہے، تو کچھ دوسرے طریقے بھی ہیں جو متلی کی روکنے میں مددگار ثابت ہو سکتے ہیں۔ اگرآپ گاڑی سفر کر رہے ہیں تو سامنے کی جانب بیٹھیں کیونکہ وہاں حرکت کم ہوتی ہے اور دور کسی ساکن چیز کو دیکھیں اس طرح متلی کو روکا جاسکتا ہے۔

اگر آپ کو موشن سکنیس ہے تو  دوران سفر پڑھنے یا اسکرین دیکھنے سے گریز کریں کیونکہ یہ بصری اشاروں اور حرکت کے احساس کے درمیان تضاد کو بڑھا سکتا ہے۔

اسی جینجر کینڈی  یا ادرک کے سپلیمنٹ بھی متلی کو کم کرنے میں مدد فراہم کرسکتے ہیں مزید برآں، گاڑی میں سوار ہونے سے پہلے تیز خوشبوؤں، تیکھی اور چکنی غذا سے بچنا فائدہ مند ہو سکتا ہے۔